Foto: gov.kz
Aıta keteıik, buǵan deıin ata-analar áleýmettik jelilerde balalardyń mektepke qabyldanbaýyna qatysty shaǵymdaryn aıtyp, keıbir ótinishterdiń saıt jumysynyń kidirýine baılanysty kesh tirkelgenin jetkizgen bolatyn.
Mektep ákimshiliginiń málimetinshe, birinshi synypqa qujat qabyldaý 27 mamyr kúni saǵat 9:00-de bastalǵan. Oqý ordasyna balalar turǵylyqty mekenjaı boıynsha qabyldanǵanymen, oryn jetispeýshiligine baılanysty bólingen oryndar alǵashqy mınýttarda-aq tolyp qalǵan.
«Orys tilindegi synyptarǵa suranys bólingen oryndar sanynan aıtarlyqtaı joǵary ekenin eskerý qajet. Orys synyptarynyń úlesi jalpy synyp-komplektilerdiń shamamen 20%-yn ǵana quraıdy, sondyqtan bos oryndar, ádette, ótinish qabyldaý bastalǵan alǵashqy mınýttarda-aq tolyp qalady. Barlyq oryndary tolyq bólinip qoıǵan mektepter boıynsha rezervtik tizim ashylǵan. Ata-analar ótinish berip, kútý kezegine engizile alady», dep habarlady BINOM School.
Sondaı-aq jaýapty mekeme tizimge engizilgen ata-analar bos oryn paıda bolǵan jaǵdaıda kezek tártibimen qabyldanatynyn jetkizdi.
Eske sala keteıik, elimizde 27 mamyrdan bastap barlyq bilim berý uıymynda 1-synypqa qujat qabyldaý bastaldy.
