Foto: Aqorda
Prezıdentter mazmundy kelissóz júrgizip, yqpaldastyqty kúsheıtýdiń tyń baǵyttary týraly áńgimelesti.
«О́zara saýda-sattyq kólemin arttyrýǵa erekshe nazar aýdardyq. Taýar aınalymyn ulǵaıtý, ınvestısııalyq qarym-qatynasty damytý jáne isker toptardyń baılanysyn odan ári nyǵaıtý qajet ekenin atap óttik. Bul – mańyzdy mindet. Men Qazaqstan-Kıpr ekonomıkalyq yntymaqtastyǵynyń jol kartasyn ázirleýdi usyndym. Sondaı-aq Úkimetaralyq komıssııa jáne Iskerlik keńes qurý jónindegi bastamalar kóterildi. Bul qadam birlesken jobalardy iske asyryp, ózara alys-beristi arttyrýǵa jáne bıznes úshin jańa múmkindikterge jol ashady. Sonymen qatar biz logıstıka, qarjy, týrızm, sıfrlyq tehnologııalar salasyndaǵy ózara baılanystarymyzdyń keleshegi zor dep sanaımyz. Úkimetterimizge osy baǵyttar boıynsha naqty sharalar qabyldaý jóninde tapsyrma berýge ýaǵdalastyq», dedi Qazaqstan Prezıdenti.
Qasym-Jomart Toqaev kıprlyq seriktesterdi Transkaspıı dálizi jobasyna atsalysýǵa shaqyrǵanyn jetkizdi.
«О́zderińiz jaqsy bilesizder, Kıpr álemdik deńgeıdegi teńiz haby sanalady. Orta dáliz aıasynda Qazaqstannyń qurlyqtaǵy jáne Kıprdiń teńizdegi ınfraqurylymyn tıimdi ushtastyrýǵa múmkindik zor. Bul qadam Ortalyq Azııa aımaǵy, Kaspıı aımaǵy jáne Jerorta teńizi arasynda jańa kóp salaly logıstıka júıesin qalyptastyrýǵa jol ashady. Sondaı-aq ózara alys-berisimizdi ulǵaıtýǵa múmkindik beredi», dedi Memleket basshysy.
Qasym-Jomart Toqaev Kıpr Prezıdentin I dárejeli «Dostyq» ordenimen marapattady
