Buǵan deıin aralyq qaryzdyń mólsherlemesi baǵdarlama túri men klıenttiń baǵalaý kórsetkishine baılanysty 6%-dan 8,5%-ǵa deıin ózgerip otyratyn. Jańa ózgeristerden keıin 6-7,5% mólsherlememen nesıe ala alatyn azamattardyń ıpotekalyq tólemi artady.
Jańa talaptar bastapqy jáne qaıtalama turǵyn úı satyp alý, jeke úı salý, jer telimin alý, turǵyn úıdi jóndeý men jańǵyrtý, «О́z úıim» jáne «Áskerı baspana» baǵdarlamalaryna, sondaı-aq keıin satyp alý quqyǵymen jalǵa beriletin turǵyn úıge qatysty bolady.
Temirjolshylarǵa baspana: «QTJ» men «Otbasy bank» jańa jobany iske qosty
Aralyq qaryz – turǵyn úı qunynyń keminde 50 paıyzyn jınaǵan, alaıda turǵyn úı zaemyn alý úshin qajetti baǵalaý kórsetkishi (OP) 16 deńgeıine jetpegen salymshylarǵa beriletin ıpotekalyq nesıe.
Ony rásimdeý úshin azamat depozıtte turǵyn úı qunynyń keminde jartysyn jınaýy, baǵalaý kórsetkishi 5-ten tómen bolmaýy jáne qarajat salynǵannan keıin keminde alty aı kútýi qajet.
Sonymen qatar bank turǵyn úı zaemdary boıynsha mólsherlemeler ózgermeıtinin habarlady. Olar burynǵydaı jyldyq 3,5%-dan 5%-ǵa deıin saqtalady, al JTSM 3,6%-dan 6,9%-ǵa deıin bolady. Mundaı qaryzdy alý úshin depozıt merzimi úsh jyldan asýy, turǵyn úı qunynyń keminde 50%-y jınalýy jáne baǵalaý kórsetkishi 16-dan joǵary bolýy kerek.
«Otbasy bank» keıbir otandastarymyzdy turǵyn úı kezegine qoıýdan nege bas tartty?
Bank málimetinshe, 30 mıllıon teńge kólemindegi nesıe boıynsha 7,5% jáne 8,5% mólsherlemeler arasyndaǵy aıyrmashylyq aı saıyn shamamen 12-20 myń teńgeni quraıdy. Bul jylyna qosymsha 144-240 myń teńge shyǵyn degen sóz.
Al 2026 jylǵy 4 maýsymǵa deıin nesıe boıynsha aldyn ala maquldaý alǵan klıentter ıpotekany burynǵy sharttarmen rásimdeı alady.
