О́tken táýlikte 36 myń tekshe metr qar shyǵaryldy. 17 qarashada elordany tazalaýǵa myńnan astam arnaıy tehnıka jáne eki myńǵa jýyq jumysshy jumyldyryldy.
Nur-Sultan qalasynda qar tazalaý jumystary keshki jáne túngi ýaqytta, eki aýysymdy rejımde júrgiziledi. Sondaı-aq qar tazalaý baǵyttary da anyqtalady.
Birinshi kezekte, ereje boıynsha, keptelis bolmaýy úshin, qozǵalys óte kóp jerler tazartylady. Odan ári ortasha qozǵalys ýchaskeleri – alańdar, vokzal mańyndaǵy aýmaqtar qardan tazartylady.
Qala joldarynyń jaıaý júretin bóligi taıǵaqqa qarsy materıaldarmen óńdeledi, ol qar jaýa bastaǵannan sebiledi. Birinshi kezekte, kólik qozǵalysy úshin eń qaýipti magıstraldar men kóshelerdiń ýchaskeleri - ór jáne eńis joldar, kópirler, tonnelder, kóshe qıylystaryndaǵy jáne qoǵamdyq kólik aıaldamalaryndaǵy tejeý alańdary óńdeledi. Eger birinshi sıkl aıaqtalǵannan keıin qar jaýa berse, qajetti jumystar qaıtalana beredi.
Buǵan deıin habarlanǵandaı, qar qalanyń barlyq aýdandarynda ornalasqan 11 polıgonǵa shyǵaryldy. Qalada qar jınaý 24/7 rejıminde júrgiziledi. Polıgondarda baqylaýǵa arnalǵan foto-jáne beınekameralar ornatylǵan.
