Búginnen bastap qala turǵyndary alyp shahar jaıly tolyq aqparat alyp ǵana qoımaı, óz azamattyq pikirin bildire alady. Qalalyq baǵdarlamalarǵa daýys berip, megapolısti damytýdaǵy oıyn ashyq aıtýyna bolady. Sondaı-aq qalanyń sońǵy jańalyqtarymen tanysyp otyrady. Mamandar bul qosymsha Almaty bıligi men dúıim el arasynda kedergisiz baılanys ornatatyn elektrondy alań deıdi. Basty maqsat – qala halqyn Almatynyń qoǵamdyq ómirine qosý.
"Bıyl qansha aǵash egildi? Memlekettik baǵdarlamalar arqasynda qansha otbasy páter kiltin aldy? Jalpy Almatynyń shetki aýdandary qalaı damyp jatyr? Qansha jańa saıabaq paıda boldy? Olardyń tolyq mekenjaıy qandaı? Bir sózben aıtqanda, mádenıet jáne bilim, ekologııa salasyndaǵy jańalyqtardy kórip, sizder de qala ómirin jaqsartýǵa atsalysa alasyzdar. Munda daýys berýden bólek kóptegen fýnksııa bar. Eger qosymshada qatelikter nemese aryz-shaǵym bolsa, Open Almaty keńsesine habarlasyńyzdar", dedi qalalyq sıfrlandyrý basqarmasynyń basshysy Baıan Qońyrbaev.
