Jyl basynan beri 50 jańa saılaý ýchaskesi quryldy. Bul týraly brıfıngte Nur-Sultan qalalyq saılaý komıssııasynyń tóraǵasy Baqyt Bektemisov málimdedi.
"Men saılaý prosesiniń mańyzdy kezeńine toqtalǵym keledi. Ol – daýys berý quqyǵyn beretin kýálikter. Saılaýshy óziniń daýys beretin jerin aýystyrǵan kezde jáne jeke basyn kýálandyratyn qujatty kórsetken kezde saılaý komıssııasy onyń ókiline senimhat boıynsha daýys berý quqyǵyn beretin esepten shyǵarý kýáligin beredi. Máslıhat depýtatyn saılaý boıynsha basqa saılaý okrýginde ne bir eldi meken shegindegi basqa saılaý ýchaskesinde daýys berýge qatysqysy keletinderge esepten shyǵarý kýáligi berilmeıdi. Joǵalǵan esepten shyǵarý kýáligi qalpyna keltirilmeıdi jáne kóshirme nusqasy berilmeıdi. Esepten shyǵarý kýálikterin berý saılaý kúniniń aldynda jergilikti ýaqyt boıynsha saǵat 18.00-de toqtatylady", dedi Baqyt Bektemisova brıfıng barysynda.
Esterińizge sala keteıik, Qazaqstan Respýblıkasy Prezıdentiniń 2020 jylǵy 21 qazandaǵy Jarlyǵyna sáıkes, Qazaqstan Respýblıkasy Parlamenti Májilisiniń depýtattaryn saılaý boıynsha saılaý naýqany bastaldy.
Qazaqstan Respýblıkasy Parlamenti Májilisiniń depýtattaryn saılaýmen bir mezgilde máslıhattar depýtattarynyń saılaýyn ótkizý jóninde shekteýler joq. Osyǵan baılanysty Qazaqstan Respýblıkasy Ortalyq saılaý komıssııasynyń 2020 jylǵy 21 qazandaǵy qaýlysymen Qazaqstan Respýblıkasy máslıhaty depýtattarynyń kezekti saılaýy 2021 jylǵy 10 qańtarǵa belgilendi.
OSK ókilderiniń aıtýynsha, birlesken naýqan – bul bıýdjetti únemdeý men pandemııa jaǵdaıynda negizdelgen áleýmettik baılanystardyń tómendeýi.
