"Qazpochta" AQ Mańǵystaý oblystyq fılıalynyń dırektory D.Ýtebalıeva quttyqtap, bıylǵy jazylym jumysyna sáttilik tiledi.
"Oılaryńyzda júrgen máselelermen bólisip, pikir alysýǵa úlken múmkindik týyp otyr. Gazet – ómir aınasy. Oblysymyzdyń, qalamyzdyń kúndelikti ómiri osy gazet betterinde jarııalanyp, halyqqa taraıdy. Qazir ınternet damyǵan zaman bolsa da, gazet-jýrnaldyń jas urpaqty tárbıeleýde mańyzy zor. Sondyqtan, gazet-jýrnalǵa jazylyńyzdar jáne jazylýdy jarnamalańyzdar", degen sharany uıymdastyrýshylar shara barysynda meıirimdilik aksııasyn ótkizdi.
Zalǵa ornatylǵan "Meıirim aǵashyna" ár júrekshege "Balalar úıiniń" tárbıelenýshisiniń aty-jóni, jas mólsheri jazylyp ilinip, sharaǵa qatysýshylar sol balalardy gazet-jýrnalǵa jazdyrdy.
Kezdesýde "Qazpochta" AQ Mańǵystaý oblystyq fılıalyna eńbegi sińgen ardager Q.Bıtanova, jyl saıyn gazet-jýrnaldy úzbeı alyp oqıtyn oqyrmandar - Á.Qonarbaev, Q.Sdyqov, N.Frýmına, N.Reýtov, T.Bekqalıuly, J. Myrzaqulov qatysyp, quttyqtaýlaryn jetkizdi.
Án-men jyr aqtarylǵan sharada ardagerler men qonaqtarǵa aranıy syı-sııapat berilip, 2020 jyldyń 10 aıynyń qorytyndysyna sáıkes óz jumystaryna úlken jaýapkershilikpen qarap, basqalarǵa úlgi bolyp júrgen R. Abdýrahmanova, R.Bekeshova, Á.Aıjazyqova, R.Erbýlekova, R.О́mirbaeva poshta qyzmetkerlerine alǵys hattar tabystaldy. Sondaı-aq bıyl baspasózge jazylý kampanııasy 5 qazanda bastalysymen, Mańǵystaý oblysynda eń birinshi bolyp, "Zań jáne zaman" jýrnalyna jazylǵan Mańǵystaý oblysy QAJD basshysynyń orynbasary, zań ǵylymdarynyń magıstri, ádilet podpolkovnıgi Jarylǵapov Qanat Shamardanuly jáne Mıhaıloa Zınaıda alys hatpen marapattaldy.
Sharada merekege oraı, qyzyqty gazet-jýrnaldar, fılatelıstik ónimder- kolleksııalyq markalar sattyqqa shyǵarylyp, lotereıa oıyndary oınatylyp, "Qazpochta" AQ usynatyn jańa qyzmet túrleri tanystyryldy.
Mańǵystaý oblysy
