«QOLDA 2.0» saıysy aıaqtaldy

Saıysqa barlyq óńirden 61 ɵtinish túsken. Shymkent, Almaty qalasy men Túrkistan, Shyǵys Qazaqstan jáne Qaraǵandy oblys­tarynan 6 ÚEU jeńimpaz atandy. Olar 9 qarasha men 2021 jyldyń 30 sáýiri aralyǵynda jobalaryn júzege asyrýǵa múmkindik aldy. Qoǵamdyq uıymdarǵa be­riletin jalpy grant somasy 30 mln teńge shamasynda. Bólingen qarajat aýyldyq aımaqtarda tur­mystyq zorlyq-zombylyqtyń al­dyn alý jáne ony joıý (4,4 mln teńgege deıin) jáne aımaqtardaǵy halyqqa tótenshe jaǵdaı kezinde aqparat berip, qoldaý kórsetýge jáne aımaqtyq úkimettik emes uıymdardyń tótenshe jaǵdaıda tıimdi áreket etý qabilettiligin arttyrý men aımaqtardaǵy erik­tiler qozǵalysyn damytýǵa ba­ǵyt­talǵan onlaın uzaqmerzimdi she­shimderdi (5 mln teńgege deıin) iske asyrýǵa jumsalady.

Irikteý barysynda qazylar alqasy jeńimpazdardyń ótinishtiń ıdeıasy «Qolda 2.0» maqsaty men talabyna sáıkes kelýin, aqylǵa qonymdy ári únemdi bıýdjet bolýyn, áleýmettik áseri men uzaqtyǵyna, turaqtylyǵyna basa nazar aýdarǵan.

Osy jyldyń sáýir aıynda Ortalyq Azııanyń Eýrazııa qory «Shevron» kompanııasymen seriktestikte Nur-Sultan jáne Almaty qalalarynda «QOLDA» birinshi kezeńin iske qosty (Qolda 1.0). ÚEU-ǵa bólingen grant medısına qyzmetkerlerine, kópbalaly otba­sylarǵa gýmanıtarlyq kó­mek, múgedektigi bar jandarǵa, mıg­ranttarǵa, esirtkige táýeldi aza­­mattarǵa qoldaý kórsetýge, sha­ǵyn jáne orta bızneske kon­sýltasııalyq kómek kórsetý men áıel adamdardy jumys oryndarymen qamtamasyz etýge jumsaldy. 1900-ge jýyq áleýmettik tur­ǵydan osal otbasylarǵa kó­mek kórsetildi, Almaty qalasy jáne Almaty oblysyndaǵy pro­vı­zorlyq klınıkalardyń medısına qyzmetkerlerine 2300 túski jáne keshki as berilip, olarǵa 500 jeke qorǵaný quraly taratyldy, múgedektigi bar jandar men esirtkige táýeldi azamattarǵa 1500 konsýltasııa berildi, 100 eńbek mıgrantyna qoldaý kórsetildi, shaǵyn bızneske 1400 konsýltasııa berildi, bıznesti damytýǵa baǵyttalǵan 300 jeke jospar quryldy. BAQ-qa bólingen granttar COVID-19 týraly memlekettik tildegi kontenttiń sapasyn arttyryp, COVID-19-ǵa qarsy kúrestegi qoǵamdyq uıymdar, memleket jáne bıznes ókilderi ótkizgen sharalar týraly aqparattandyrýǵa baǵyttalǵan.

«Qolda» jedel kómek baǵ­dar­lamasy Ortalyq Azııanyń Eýrazııa Qory (OAEQ) «Shevron» kom­panııasymen birlestikte Qazaq­stan turǵyndaryna karan­tın­niń negatıvti  áserin azaıtý maq­satynda jasalyp otyr.