Ermurat er eken

Ermurat Zeken Qaraǵandy memlekettik medısına ýnı­ver­sı­tetin támamdaı sala, maýsym aıynda oblys ortalyǵyndaǵy provızorlyq ortalyqta erikti retinde jumys istegen. Jas maman basyn qaýip-qaterge tige júrip, nebir jaýapty is­ter­di atqardy. Sóıtip júrip óziniń týǵan aýylyn da bir sát esten shyǵarmaǵan. Al bul kezde Ermurattyń kindik qany tamǵan Aqtúbek aýylynda jasandy ottegi apparattarynyń jetispeýshiligi qatty sezilip turǵan bolatyn.

Máseleniń mán-jaıyna qa­nyqqannan keıin Ermurat jerlesi Azamat Smaǵulov ekeýi birigip, jalpy quny 219 myń teńge bolatyn bes ottegi ballonyn arnaıy tapsyryspen aldyrtyp, Aqtúbek aýylynyń turǵyndaryn aıtyp jetkizgisiz qýanyshqa bóledi. Jas maman aýylǵa arnaıy kelip, álgi ottegi ballondaryn aýyldaǵy ambýlatorııaǵa ornatyp, iske qosqan.

«Shyn mánisinde Er­mu­rattaı asyl azamat aýyl­dyń birtalaı adamynyń ómirin saqtap qaldy desem, artyq aıtpaǵan bolar edim. Ol tur­ǵyndarymyzǵa senim syılady, erteńgi kúnge de­gen úmi­tin jaqty», deıdi Aq­tú­bek aýyl­dyq okrýginiń ákimi Erlan Ormanov.

Ermurattyń ózi úıdegi tórt balanyń úlkeni eken. Jap-jas jigit baýyrlarynyń ǵana emes, búkil aýyldyń qamqory bolyp, osylaısha azamattyq tanytty. Aqtúbek aýyly tur­ǵyn­darynyń Ermurattaı er uldy tárbıelep ósirgen ata-anasyna degen rızashylyǵy tipti eresen!

Qaraǵandy oblysy,

Jańaarqa aýdany