Uıymdastyrýshylardyń aıtýynsha, baǵdarlama jańartyp otyrý, aqparat engizýge múmkindigi bar naqty jaǵdaılardy sheshýge arnalǵan jobalyq tapsyrmalar serııasynan turady. Ol kelesideı retpen jumys isteıdi: kompanııalar ýnıversıtetke tapsyrmalar beredi, al stýdentter kompanııalarǵa óz sheshimderin usynady.
Astana IT University jas mamandar men osy mamandarǵa muqtaj kompanııalar arasynda baılanystyrýshy kópir rólin atqarady. Joǵary bilikti professor-oqytýshylar quramy usynylǵan mindetterdi sheshý kezinde qatysýshylardy tolyq qadaǵalap, baǵyttap otyrady. Stýdentterdiń naqty jobalardy oryndaý men toptyq jumys daǵdylaryn damytý, sondaı-aq kompanııalardyń sıfrly transformasııasynda eldiń bıznes sektoryna kómektesýdi maqsat etken joba keleshekte básekege qabiletti, naryq suranysyn boljaı biletin bilikti mamandar qataryn kóbeıtýge umtylady.
Jobaǵa qosylý úshin stýdentter aldymen Moodle júıesimen biriktirilgen emtıhan tapsyrý maqsatynda onlaın prokterıng ázirleýge mindetti. Qatysýshylar tapsyrmany kompıýter kamerasymen nemese uıaly telefonmen oryndaı alady. Osylaısha, daıyn tapsyrmany Moodle arqyly emtıhan qabyldaýshy betine jiberedi. Bul da jastardy ınnovasııalyq tehnologııany qoldanýǵa yntalandyryp, beıimdeıdi.
Proktordyń (emtıhan qabyldaýshy) emtıhan tapsyrýshyny sáıkestendirýge jáne kúdikti áreketterdi tirkeýge múmkindigi bolady. Júıe ár emtıhan úshin jıyntyq esep berýi kerek.
Joba boıynsha jumys barysynda stýdentter komandalarǵa biriktirilip, oqytýshylardyń jetekshiligimen kirispe kezeńinde jumys isteı bastady. Atap aıtqanda, keıs sheshimderin prezentasııa túrinde daıyndaıdy.
Kelesi kezeńde stýdentterge Moodle platformasyn proktorıng qyzmetine qosý, beıneni jiberýge jáne qabyldaýǵa múmkindik beretin paraqqa engizý úshin kod jazý kerek.
Ekinshi kezeńde oqýshylar óz jobalaryn iske qosyp jáne mashınalyq oqytýǵa baılanysty servısti qolǵa alady. Mashınalyq oqytýdyń ózi emtıhan tapsyratyn jáne barlyq ózgeris pen kúdikti áreketterdi jazatyn adamnyń áreketteriniń zańdylyǵyn anyqtaıdy. Bul jumystyń ashyqtyǵy men erejelerdiń buzylmaýyn qamtamasyz etedi.
Qazirgi ýaqytta stýdentterdiń jobalary qorytyndy kezeńde. Proktorıng júıesiniń jobasy qarashada aıaqtalady. Qatysýshylar Astana IT University josparyna sáıkes, kúzgi emtıhan kezinde testileýden ótedi.
Úzdik dep tanylǵan komanda óz jobasyn odan ári qaraı damytýǵa múmkindik alady. Qazirgi ýaqytta «Atameken» UKP, GTS System jáne «Tehnologııalar transferi ortalyǵy» kompanııalarynan AITU Project Challenge jobalary úshin tapsyrmalar jasaqtalyp jatyr. Osy saladaǵy tapsyrmasy, keısi bar stýdenttermen seriktestikke ázir kez kelgen kompanııa óz hattaryn ýnıversıtet poshtasyna jibere alady.
