Qala ákimi Murat Áıtenov shaHardaǵy tıisti mekemelerdiń qys mezgiline daıyndyǵymen tanysty. Apattyq qutqarý jáne kommýnaldyq-tehnıkalyq qamtamasyz etý qyzmetteriniń qaz-qatar sap túzegen arnaıy tehnıkalary qalany qardan tazalap, kók taıǵaq kezeńde qajetti ınertti materıaldar sebýge saqadaı saı.
– Aldymyzda qys. Tehnıkanyń basym bóligi jańarǵanyn ózim kórip shyqtym. Jaǵdaıdyń bári baqylaýda bolýǵa tıis, – dedi.
Qalalyq tótenshe jaǵdaılar departamentiniń habarlaýynsha, bıyl úshinshi megapolıstiń kóshelerin qardan tazalaýǵa, qum sebý jumystaryna 182 tehnıka, 670 jeke quram saqadaı saı. Kóktaıǵaqqa qarsy 17 myń tekshe qum men 5 myń tonna tuz syndy ınertti materıaldar qory jasalǵan.
Qalalyq tótenshe jaǵdaılar departamenti bastyǵynyń orynbasary Jánibek Kárimbaev:
– Qys mezgilinde 32 baǵytta uzyndyǵy 1 myńnan astam shaqyrymdy alyp jatqan 299 kóshede jumystar júrgiziledi, – deıdi.
Qalaǵa jylý beretin mekemeler de jylýdan kinárat bolmaıdy, halyq tońbaıdy dep sendirdi. Aıtýlaryna qaraǵanda, ortalyqtandyrylǵan jylý júıesine qosylǵan kóp qabatty úıler, bıýdjettik jáne kommersııalyq nysandarda tekserý júrgizildi, olarǵa jylý berildi.
«Qazıgdromet» sınoptıkteriniń boljaýynsha, 17-19 qarasha kúnderi elimizdiń birqatar aımaǵynda kún sýytyp, keıbir óńirlerde 18-26 gradýs aıaz bolady. Shymkente de aldaǵy kúnderi kúnniń kúrt sýytýy boljanýda. Osy aptanyń sońyna qaraı qar jaýýy múmkin.
ShYMKENT
