25-26 qarasha kúnderi elordalyq sıfrlandyrý jáne memlekettik qyzmetter basqarmasy, Astana Innovations pen Astana IT University birlesip alǵashqy HealthTech & Well-being hakatonyn ótkizedi. Ázirleýshiler densaýlyq saqtaýdyń jańa tehnologııalaryn qurý boıynsha jumys isteıdi. Qatysýshylar 28 qarashada ótetin býtkemp kezinde jasalǵan ázirlemelerdi odan ári jetildire alady.
"Bir kúndik býtkemp kezinde hakaton sheńberinde qoldanystaǵy startaptar men jańadan jasalǵan sheshimderdi jetildirýge bolady. Is-shara startap ındýstrııasyndaǵy qazaqstandyq jáne sheteldik sarapshylar usynǵan tálimgerlik jáne bilim berý sessııalarynan turady", dep túsindirdi uıymdastyrýshylar.
Qorytyndy is-shara 29 qarashada HealthTech jáne Well-being startaptar baıqaýy bolady. Onda densaýlyq saqtaý salasyn ózgertetin jáne qazaqstandyqtardyń ómirin jaqsartatyn eldiń jetekshi startaptaryn biriktiriledi.
"150-ge jýyq qazaqstandyq ázirleýshiler, dızaınerler, medısına mamandary jáne ǵalymdar salaýatty ómir saltyn, sonyń ishinde COVID-19-ben baılanysty máselelerdi sheshýdiń tıimdi joldaryn talqylaıtyn bolady", delingen taratylǵan habarlamada.
Atap aıtqanda, aldaǵy "Astana Innovations Challenge" kelesi sheshimderdi izdestirý jumystary josparlanǵan: aýrýhanalar úshin derekterdi óńdeý; vırtýaldy medısınalyq kómekshi; naýqasty qashyqtan tekserý; jedel járdemge arnalǵan GPS monıtorıngi; medısınalyq jáne jedel baılanysty jaqsartý; sporttaǵy jáne salaýatty ómir saltyn saqtaý salasyndaǵy úlken málimetter; jumysta / kúndelikti ómirde salaýatty ómir saltyna arnalǵan sheshimder.
"Búgingi densaýlyq saqtaý salasyndaǵy ınnovasııalar birqatar tehnologııalardy qamtıdy. Ádette, medısınalyq málimetter qaǵaz túrinde bolsa da, uzaq jyldar boıy naqty jınalady jáne saqtalady. Olardy sıfrlandyrý elektrondy densaýlyq dep atalady, pasıentter men aýrýhanalardyń kóptegen málimetterine analıtıkalyq jáne ınformatıka ádisterin qoldanýǵa jol ashady. Derekterdi jınaý júıelerin birtindep standarttaýda ınnovatorlar densaýlyq saqtaý men saýyqtyrý tehnologııalaryn basqarýdyń kóptegen nusqalaryna ıe", dep atap ótti uıymdastyrýshylar.
Hakatonnyń júlde qory 1 600 000 teńgeni, startap-konkýrs 1 000 000 teńgeni quraıdy.
Hakatonǵa qatysýǵa ótinimder 24 qarashaǵa deıin, startap-konkýrsqa 27 qarashaǵa deıin qabyldanady. Tirkeý Astana Innovations Challenge veb-saıtynda myna silteme boıynsha ashyq: ainchallenge.kz. Tolyq aqparatty 8 (7172) 57-89-83, 8 (7172) 57-89-59 telefondary nemese kurmanbayev.d@ain.kz poshtasy arqyly bilýge bolady.
