"Astana Innovations Challenge" аясында стартаптар байқауы өтеді

Бағдарламалар • 20 Қараша, 2020

"Astana Innovations Challenge" аясында стартаптар байқауы өтеді

11 рет көрсетілді

Нұр-Сұлтандағы "Astana Innovations Challenge" аясында жасанды интеллект пен интернеттегі заттардың көмегімен медициналық технологияларды жетілдіруге арналған бірқатар іс-шаралар өтеді, деп хабарлайды Egemen.kz

Айым ДӘУІТ

25-26 қараша күндері елордалық цифрландыру және мемлекеттік қызметтер басқармасы, Astana Innovations пен Astana IT University бірлесіп алғашқы HealthTech & Well-being хакатонын өткізеді. Әзірлеушілер денсаулық сақтаудың жаңа технологияларын құру бойынша жұмыс істейді. Қатысушылар 28 қарашада өтетін буткемп кезінде жасалған әзірлемелерді одан әрі жетілдіре алады.

"Бір күндік буткемп кезінде хакатон шеңберінде қолданыстағы стартаптар мен жаңадан жасалған шешімдерді жетілдіруге болады. Іс-шара стартап индустриясындағы қазақстандық және шетелдік сарапшылар ұсынған тәлімгерлік және білім беру сессияларынан тұрады", деп түсіндірді ұйымдастырушылар.

Қорытынды іс-шара 29 қарашада HealthTech және Well-being стартаптар байқауы болады. Онда денсаулық сақтау саласын өзгертетін және қазақстандықтардың өмірін жақсартатын елдің жетекші стартаптарын біріктіріледі.

"150-ге жуық қазақстандық әзірлеушілер, дизайнерлер, медицина мамандары және ғалымдар салауатты өмір салтын, соның ішінде COVID-19-бен байланысты мәселелерді шешудің тиімді жолдарын талқылайтын болады", делінген таратылған хабарламада.

Атап айтқанда, алдағы "Astana Innovations Challenge" келесі шешімдерді іздестіру жұмыстары жоспарланған: ауруханалар үшін деректерді өңдеу; виртуалды медициналық көмекші; науқасты қашықтан тексеру; жедел жәрдемге арналған GPS мониторингі; медициналық және жедел байланысты жақсарту; спорттағы және салауатты өмір салтын сақтау саласындағы үлкен мәліметтер; жұмыста / күнделікті өмірде салауатты өмір салтына арналған шешімдер.

"Бүгінгі денсаулық сақтау саласындағы инновациялар бірқатар технологияларды қамтиды. Әдетте, медициналық мәліметтер қағаз түрінде болса да, ұзақ жылдар бойы нақты жиналады және сақталады. Оларды цифрландыру электронды денсаулық деп аталады, пациенттер мен ауруханалардың көптеген мәліметтеріне аналитикалық және информатика әдістерін қолдануға жол ашады. Деректерді жинау жүйелерін біртіндеп стандарттауда инноваторлар денсаулық сақтау мен сауықтыру технологияларын басқарудың көптеген нұсқаларына ие", деп атап өтті ұйымдастырушылар.

Хакатонның жүлде қоры 1 600 000 теңгені, стартап-конкурс 1 000 000 теңгені құрайды.

Хакатонға қатысуға өтінімдер 24 қарашаға дейін, стартап-конкурсқа 27 қарашаға дейін қабылданады. Тіркеу Astana Innovations Challenge веб-сайтында мына сілтеме бойынша ашық: ainchallenge.kz. Толық ақпаратты 8 (7172) 57-89-83, 8 (7172) 57-89-59 телефондары немесе kurmanbayev.d@ain.kz поштасы арқылы білуге болады.

Күннің маңызды және өзекті жаңалықтарын «Егемен Қазақстан» телеграм каналынан оқыңыз