Kitap kórmesine qaladaǵy 5 kitaphana (37 bólimsheleri) óńirlik aqyn-jazýshylardyń týyndylary qoıyldy. Sharaǵa kelýshilerdi ásem ánmen kútip alǵan ájeler keshtiń shyraıyn ashty.
Merekelik shara "Piano Performance" ıaǵnı, orys drama teatry aldynda túrli-tústi boıaýlarǵa boıalǵan pıanınodan jandy dybysta shyrqalǵan mýzykamen jalǵasty. Mundaı kúı sandyq qalanyń 5 jerine qoıylǵan. Ereksheligi kúı sandyqta oınaı alatyn kez-kelgen qala turǵyny ózi qalaǵan mýzykasyn oınap, kelýshilerdiń yqylasyna bólenýge múmkindik bar.
Búgingi dýmandy kesh Arbat alańyndaǵy teatrlandyrylǵan qoıylymdar men sırk ártisteriniń ónerimen jalǵasty. Jıylǵan qaýym "Qyz Jibek", "Birjan -Sara", "Aıman-Sholpan", "Saıram bazary" qoıylymdarynan úzindiler tamashalady.
Mádenı astananyń jabylýyna oraı ótetin merekelik shara Báıdibek bı alańynda qolóner sheberleriniń kórmesimen jalǵasty.
Aıta keteıik, búgingi uıymdastyrylǵan shara karantın talabyn saqtaı otyryp, barlyq kelýshilerge saqtyq jóninde eskertpeler jıi eskertilip otyrdy.
