2013 jylǵy 26 qyrkúıek, Astana qalasy
Ulttyq aldyn alý tetiginiń qatysýshylaryn irikteý qaǵıdalaryn bekitý týraly
Qazaqstan Respýblıkasynyń Qylmystyq-atqarý kodeksiniń 21-2-baby, «Halyqtyń densaýlyǵy jáne densaýlyq saqtaý júıesi týraly» Qazaqstan Respýblıkasy kodeksiniń 184-2-baby, «Alkogolızmge, nashaqorlyq pen ýytqumarlyq dertine shaldyqqan aýrýlardy eriksiz emdeý týraly» Qazaqstan Respýblıkasy Zańynyń 10-2-baby, «Adamdardy qoǵamnan ýaqytsha oqshaýlaýdy qamtamasyz etetin arnaýly mekemelerde ustaý tártibi men sharttary týraly» Qazaqstan Respýblıkasy Zańynyń 46-11-baby, «Qazaqstan Respýblıkasyndaǵy balanyń quqyqtary týraly» Qazaqstan Respýblıkasy Zańynyń 47-2-baby, «Kámeletke tolmaǵandar arasyndaǵy quqyq buzýshylyqtardyń profılaktıkasy men balalardyń qadaǵalaýsyz jáne panasyz qalýynyń aldyn alý týraly» Qazaqstan Respýblıkasy Zańynyń 27-babyn iske asyrý maqsatynda:
1. Qosa berilgen Ulttyq aldyn alý tetiginiń qatysýshylaryn irikteý qaǵıdalary bekitilsin.
2. Osy ókim onyń birinshi ret resmı jarııalanǵan kúninen bastap on kúntizbelik kún ótkende qoldanysqa enedi.
A.ShÁKIROV.
Adam quqyqtary jónindegi ýákildiń 2013 jylǵy 26 qyrkúıektegi №20 ókimimen bekitilgen
Ulttyq aldyn alý tetiginiń qatysýshylaryn irikteý qaǵıdalary
1. Jalpy erejeler
1 Osy Ulttyq aldyn alý tetiginiń qatysýshylaryn irikteý qaǵıdalary (budan ári – Qaǵıdalar) ulttyq aldyn alý tetiginiń qatysýshylaryn aldyn ala bolý úshin irikteý tártibin belgileıdi.
2. Osy Qaǵıdalar Qazaqstan Respýblıkasynyń Qylmystyq-atqarý kodeksiniń 21-2-baby, «Halyqtyń densaýlyǵy jáne densaýlyq saqtaý júıesi týraly» Qazaqstan Respýblıkasy Kodeksiniń 184-2-baby, «Alkogolızmge, nashaqorlyq pen ýytqumarlyq dertine shaldyqqan aýrýlardy eriksiz emdeý týraly» Qazaqstan Respýblıkasy Zańynyń 10-2–baby, «Adamdardy qoǵamnan ýaqytsha oqshaýlaýdy qamtamasyz etetin arnaýly mekemelerde ustaý tártibi men sharttary týraly» Qazaqstan Respýblıkasy Zańynyń 46-11–baby, «Qazaqstan Respýblıkasyndaǵy balanyń quqyqtary týraly» Qazaqstan Respýblıkasy Zańynyń 47-2-baby, «Kámeletke tolmaǵandar arasyndaǵy quqyq buzýshylyqtardyń profılaktıkasy men balalardyń qadaǵalaýsyz jáne panasyz qalýynyń aldyn alý týraly» Qazaqstan Respýblıkasy Zańynyń 27-babyna sáıkes ázirlengen.
3. Adam quqyqtary jónindegi ýákil, sondaı-aq Úılestirý keńesi irikteıtin azamattardyń quqyqtaryn, zańdy múddelerin qorǵaýdy júzege asyratyn qoǵamdyq baıqaý komıssııalarynyń jáne qoǵamdyq birlestikterdiń músheleri, zańgerler, áleýmettik qyzmetkerler, dárigerler ulttyq aldyn alý tetiginiń qatysýshylary bolyp tabylady.
4. Ulttyq aldyn alý tetiginiń qatysýshylary aldyn ala bolý úshin irikteý kezinde tegine, áleýmettik, laýazymdyq jáne múliktik jaǵdaıyna, jynysyna, násiline, ultyna, tiline, dinge kózqarasyna, nanymyna, turǵylyqty jerine baılanysty nemese kez kelgen ózge jaǵdaıattar boıynsha qatysýshylardyń eshqaısysyn eshqandaı kemsitýge bolmaıdy.
5. Ulttyq aldyn alý tetigine:
1) Qazaqstan Respýblıkasynyń azamaty bolyp tabylmaıtyn tulǵalar;
2) zańda belgilengen tártippen ótelmegen nemese alynbaǵan sottylyǵy bar tulǵalar;
3) qylmys jasaýda kúdikti nemese aıyp taǵylyp otyrǵan tulǵalar;
4) sotpen áreketke qabiletsiz nemese áreketke qabilettiligi shektelgen dep tanylǵan tulǵalar;
5) sýdıalar, advokattar, memlekettik qyzmetshiler jáne áskerı qyzmetshiler, sondaı-aq quqyq qorǵaý jáne arnaıy memlekettik organdardyń qyzmetkerleri;
6) psıhıatrda jáne/nemese narkologta esepte turatyn tulǵalar;
7) qasaqana qylmys jasaǵany úshin aqtalmaıtyn negizder boıynsha qylmystyq jaýapkershilikten bosatylǵan tulǵalar;
8) jaǵymsyz sebeptermen memlekettik nemese áskerı qyzmetten, quqyq qorǵaý jáne arnaıy memlekettik organdardan, sottardan bosatylǵan nemese advokattar kollegııasynan shyǵarylǵan tulǵalar;
9) advokattyq qyzmetpen aınalysýǵa lısenzııasynan aıyrylǵan tulǵalar qatysýshy bola almaıdy.
2. Ulttyq aldyn alý tetiginiń qatysýshylaryn irikteý tártibi
6. Ulttyq aldyn alý tetigi qatysýshylarynyń (budan ári – UATQ) quramyn qalyptastyrý birqatar júıeli kezeńderdi qamtıdy:
1) UATQ irikteý ótkizý týraly habarlandyrý jarııalaý;
2) úmitkerlerdiń qujattaryn qabyldaý jáne qaraý;
3) Adam quqyqtary jónindegi ýákil janyndaǵy Úılestirý keńesiniń (budan ári - Úılestirý keńesi) sheshimderi negizinde UATQ quramyna alý.
7. UATQ quramyna ený úshin úmitkerler Úılestirý keńesine erikti nysanda ótinishin tapsyrady.
8. О́tinishke:
1) jeke kýáliktiń ne tólqujattyń kóshirmesi;
2) úmitkerdiń óz qolymen jazylǵan ómirbaıany;
3) bilim týraly attestattyń, bar bolǵan jaǵdaıda - dıplomnyń kóshirmesi;
4) eńbek kitapshasynyń kóshirmesi nemese eńbek qyzmetin rastaıtyn ózge de qujat;
5) jumys ornynan anyqtama (jumysy bolǵan jaǵdaıda);
6) sottalmaǵandyǵy týraly anyqtama;
7) psıhonevrologııalyq dıspanserdiń anyqtamasy;
8) narkologııalyq dıspanserdiń anyqtamasy;
9) turǵylyqty jerden anyqtama;
10) úıdegi, jumystaǵy jáne uıaly telefondar, sondaı-aq jeke elektrondyq mekenjaı kórsetilgen jeke paraq;
11) 3 h 4 eki fotosýret.
12) joǵaryda kórsetilgen qujattardy tigý úshin papka qosa beriledi.
9. Qujattar UATQ quramyna irikteý ótkizý týraly habarlandyrý ınternet-resýrsta jarııalanǵan kúnnen bastap on bes kúntizbelik kún ishinde qolma-qol, poshta arqyly nemese elektrondy poshta arqyly qabyldanady.
10. Úmitkerlerdiń kórineý jalǵan aqparat pen qujattar usyný faktisin anyqtaý olardyń UATQ quramyna irikteýinen onyń kez kelgen kezeńinde shyǵarylýy úshin negiz bolyp tabylady.
11. Azamattardyń quqyqtaryn, zańdy múddelerin qorǵaýdy júzege asyratyn qoǵamdyq baıqaý komıssııalarynyń (budan ári – QBK) jáne qoǵamdyq birlestikterdiń (budan ári – ÚEU) UATQ quramyna engizý úshin ózderiniń múshelerin QBK jáne ÚEU jalpy jınalysynyń sheshimi boıynsha ne QBK nemese ÚEU Tóraǵasynyń (Birinshi basshysynyń) jazbasha usynysy boıynsha usynady.
12. UATQ quramyna engizý úshin QBK nemese ÚEU úmitkeri osy Qaǵıdalardyń 7 jáne 8–tarmaqtarynda kórsetilgen qujattardy usynady.
13. Úılestirý keńesi qujattardy qaraý qorytyndysy boıynsha ashyq daýys berý jolymen qarapaıym kópshilik daýsymen UATQ quramyna úmitkerdiń alynýy nemese alýdan bas tartý týraly sheshimi qabyldanady.
14. Úılestirý keńesi úmitkerdi irikteýdiń nátıjeleri týraly habardar etedi.
15. Úılestirý keńesiniń sheshimi men UATQ-na iriktelgen tizim Adam quqyqtary jónindegi ýákildiń ınternet-resýrsynda ornalastyrylady.
16. Úmitkerler arasynan UATQ quramy Úılestirý keńesi otyrysynyń sheshimimen jyl saıyn bekitiledi.
17. Merzim ótkende Úılestirý keńesi esepti jyldyń (kezeńniń) sońynda aldaǵy kúntizbelik jylǵa UATQ qaıta irikteýin ótkizedi.
18. UATQ áreket etip jatqan quramyna iriktelgen tulǵalar UATQ quramynda aldaǵy kúntizbelik jylǵa jumysyn jalǵastyrýǵa nıetin bildirgen jaǵdaıda Úılestirý keńesine osy Qaǵıdalardyń 7-tarmaǵy men 8-tarmaǵynyń 5)-9)-tarmaqshalarynda kórsetilgen qujattardy usynady.
Buıryq Qazaqstan Respýblıkasynyń Ádilet mınıstrliginde 2013 jylǵy 8 qarashada Normatıvtik quqyqtyq kesimderdi memlekettik tirkeýdiń tizilimine №8892 bolyp engizildi.
