2013 jylǵy 26 qyrkúıek, Astana qalasy
Aldyn ala bolý úshin ulttyq aldyn alý tetiginiń qatysýshylarynan toptar qurý qaǵıdalaryn bekitý týraly
Qazaqstan Respýblıkasynyń Qylmystyq-atqarý kodeksiniń 21-2-baby, «Halyqtyń densaýlyǵy jáne densaýlyq saqtaý júıesi týraly» Qazaqstan Respýblıkasy kodeksiniń 184-2-baby, «Alkogolızmge, nashaqorlyq pen ýytqumarlyq dertine shaldyqqan aýrýlardy eriksiz emdeý týraly» Qazaqstan Respýblıkasy Zańynyń 10-2-baby, «Adamdardy qoǵamnan ýaqytsha oqshaýlaýdy qamtamasyz etetin arnaýly mekemelerde ustaý tártibi men sharttary týraly» Qazaqstan Respýblıkasy Zańynyń 46-11-baby, «Qazaqstan Respýblıkasyndaǵy balanyń quqyqtary týraly» Qazaqstan Respýblıkasy Zańynyń 47-2-baby, «Kámeletke tolmaǵandar arasyndaǵy quqyq buzýshylyqtardyń profılaktıkasy men balalardyń qadaǵalaýsyz jáne panasyz qalýynyń aldyn alý týraly» Qazaqstan Respýblıkasy Zańynyń 27-babyn iske asyrý maqsatynda:
1. Qosa berilgen Aldyn ala bolý úshin ulttyq aldyn alý tetiginiń qatysýshylarynan toptar qurý qaǵıdalary bekitilsin.
2. Osy ókim onyń birinshi ret resmı jarııalanǵan kúninen bastap on kúntizbelik kún ótkende qoldanysqa enedi.
A.ShÁKIROV.
Adam quqyqtary jónindegi ýákildiń 2013 jylǵy 26 qyrkúıektegi №21 ókimimen bekitilgen
Aldyn ala bolý úshin ulttyq aldyn alý tetiginiń qatysýshylarynan toptar qurý qaǵıdalary
1. Jalpy erejeler
1. Osy Aldyn ala bolý úshin ulttyq aldyn alý tetiginiń qatysýshylarynan toptar qurý qaǵıdalary (budan ári – Qaǵıdalar) aldyn ala bolý úshin ulttyq aldyn alý tetiginiń qatysýshylarynan toptar qurý tártibin belgileıdi.
2. Osy Qaǵıdalar Qazaqstan Respýblıkasynyń Qylmystyq-atqarý kodeksiniń 21-2-baby, «Halyqtyń densaýlyǵy jáne densaýlyq saqtaý júıesi týraly» Qazaqstan Respýblıkasy Kodeksiniń 184-2-baby, «Alkogolızmge, nashaqorlyq pen ýytqumarlyq dertine shaldyqqan aýrýlardy eriksiz emdeý týraly» Qazaqstan Respýblıkasy Zańynyń 10-2–baby, «Adamdardy qoǵamnan ýaqytsha oqshaýlaýdy qamtamasyz etetin arnaýly mekemelerde ustaý tártibi men sharttary týraly» Qazaqstan Respýblıkasy Zańynyń 46-11–baby, «Qazaqstan Respýblıkasyndaǵy balanyń quqyqtary týraly» Qazaqstan Respýblıkasy Zańynyń 47-2-baby, «Kámeletke tolmaǵandar arasyndaǵy quqyq buzýshylyqtardyń profılaktıkasy men balalardyń qadaǵalaýsyz jáne panasyz qalýynyń aldyn alý týraly» Qazaqstan Respýblıkasy Zańynyń 27-babyna sáıkes ázirlengen.
3. Aldyn ala bolý úshin ulttyq aldyn alý tetiginiń qatysýshylarynan toptar qurý kezinde tegine, áleýmettik, laýazymdyq jáne múliktik jaǵdaıyna, jynysyna, násiline, ultyna, tiline, dinge kózqarasyna, nanymyna, turǵylyqty jerine baılanysty nemese kez-kelgen ózge jaǵdaıattar boıynsha qatysýshylardyń eshqaısysyn eshqandaı kemsitýge bolmaıdy.
2. Aldyn ala bolý úshin ulttyq aldyn alý tetiginiń qatysýshylarynan toptar qurý tártibi
4. Aldyn ala bolý úshin ulttyq aldyn alý tetigi qatysýshylarynan toptar (budan ári-UAT toptary) qurý Úılestirý keńesiniń otyrysynda ashyq daýys berý jolymen júzege asyrylady jáne Adam quqyqtary jónindegi ýákilmen kelisiledi.
5. UAT toptaryn qurý jónindegi Úılestirý keńesiniń sheshimderi erikti nysandaǵy hattamamen resimdeledi, jáne Adam quqyqtary jónindegi ýákil ony bekitedi.
6. UAT toptaryn qurý aldyn ala bolýǵa jatatyn mekemeler men uıymdardyń erekshelikteri eskerile otyryp, aǵymdaǵy, aldaǵy kúntizbelik jylǵa UAT toptary basshylarynyń jáne músheleriniń jeke derekterin kórsete otyryp, árbir oblys, respýblıkalyq mańyzy bar qala men astana úshin jekeleı júzege asyrylady.
7. Úılestirý keńesi Adam quqyqtary jónindegi ýákildiń kelisimi boıynsha eseptik kezeń ishinde UAT toptarynyń quramyn tolyqtyra jáne ózgerte alady.
8. Úılestirý keńesi UAT toptarynyń basshylaryn taǵaıyndaıdy. UAT toptarynyń basshylaryn taǵaıyndaý kezinde Úılestirý keńesi UAT toptary músheleriniń pikirin eskeriledi.
9. Úılestirý keńesi aldyn ala bolýǵa jatatyn mekemeler men uıymdardyń tizimi men merzimderdi bólingen bıýdjettik qarajat sheginde aıqyndaıdy, ol úshin oblystar, respýblıkalyq mańyzy bar qalalar men mekemeler jáne uıymdar bóliginde aldaǵy kúntizbelik jylǵa arnalǵan UAT toptarynyń aldyn ala bolýynyń jyl saıynǵy josparyn bekitedi.
10. Basshy aldyn ala bolýdy júzege asyrý úshin baratyn mekemeler men uıymdar qyzmetininiń erekshelikterin eskere otyryp tórt adamnan quralatyn UAT tobynyń múshelerin aıqyndaıdy.
11. Úılestirý keńesiniń sheshimi boıynsha aldyn ala bolýdy júzege asyratyn UAT tobynyń quramyna basqa oblystar men respýblıkalyq mańyzy bar qaladan, astanadan UAT toptarynyń ókilderi engizilýi múmkin.
12. UAT tobynyń múshesi shyǵyp ketken jaǵdaıda, Úılestirý keńesi UAT tobynyń basqa múshesin irikteý týraly máseleni tez arada sheshedi.
Buıryq Qazaqstan Respýblıkasynyń Ádilet mınıstrliginde 2013 jylǵy 8 qarashada Normatıvtik quqyqtyq kesimderdi memlekettik tirkeýdiń tizilimine №8893 bolyp engizildi.
