Elorda • 23 Qarasha, 2020

Myńnan astam elordalyq karantındi buzǵany úshin jaýapqa tartyldy

26 ret kórsetildi

Elordada polıseıler, eriktiler men ákimdik ókilderi saýda ortalyqtaryna, dúkender jáne adamdar kóp jınalatyn basqa da oryndarda reıd júrgizip jatyr, dep habarlaıdy Egemen.kz

Is-sharanyń maqsaty – koronavırýs ınfeksııasynyń taralýyna jol bermeý. Karantınniń kúsheıýine qaramastan, birqatar mekemele áli de talaptardy elemeı otyr.

Sonymen, 21 qarashada saǵat 18:30-da mobıldi top New Stars meıramhanasyna baryp, "Betashar" rásimi ótkenin anyqtady. Toıda polısııa qyzmetkerleri shamamen 70 adam bolǵanyn alǵa tartady.
Osyndaı talap buzýshylyq "Alash" jáne "Bagratıon" meıramhanalarynda anyqtalǵan. Birtalaı qonaq jınalǵan.

21 qarasha kúni saǵat 23:32-de mobıldi top 40-qa jýyq adam jınalǵan IZI Bear bar baryn anyqtady.

"Kóptegen nysan jumys rejimin buzyp jatady. Sanıtarlyq dárigerdiń qaýlysyna sáıkes tamaqtaný oryndary 22:00-ge deıin jumys isteýi kerek. Búgingi tańda kóptegen nysandar jumysyn jalǵastyrýda, kóp adam bolyp jınalatyn jerler de bar, buǵan tyıym salynady. Bul úshin olar ákimshilik jaýapkershilikke tartylady",-dedi Esil aýdanynyń sanıtarlyq-epıdemııalyq qadaǵalaý basqarmasynyń bólim basshysy Aıman Janataeva.

Karantındi buzǵan mekeme ıelerine qatysty jınalǵan materıaldar is júrgizý sheshimin qabyldaý úshin, Nur-Sultan qalasynyń taýarlar men kórsetilgen qyzmetterdiń sapasy men qaýipsizdigin baqylaý basqarmasyna joldandy.

23 qarashadaǵy jaǵdaı boıynsha Nur-Sultan qalasynyń taýarlar men kórsetiletin qyzmetterdiń sapasy men qaýipsizdigin baqylaý komıtetine aýdandyq polısııa basqarmalarynan karantındi buzýǵa jol bergen tulǵalarǵa qatysty 2129 materıal kelip tústi. 1069 jeke jáne zańdy tulǵa jalpy somasy 210 747 966 teńgege ákimshilik jaýapkershilikke tartyldy.

Búgingi kúni jalpy somasy 162 395 245 teńgege 825 ákimshilik aıyppul tólendi.

Sońǵy jańalyqtar

Aqtaý ákimine sógis jarııalandy

Aımaqtar • Búgin, 18:45

Almatyda eki kóshe jartylaı jabylady

Aımaqtar • Búgin, 16:48

Bıyl mektep formasy ózgermeıdi

Bilim • Búgin, 16:14

Dollar qymbattady

Ekonomıka • Búgin, 15:54

Jetisý oblysynyń TJD basshysy taǵaıyndaldy

Taǵaıyndaý • Búgin, 15:08

Aralda jol apatynan bir adam kóz jumdy

Oqıǵa • Búgin, 11:35

Uqsas jańalyqtar