Aǵymdaǵy jylǵy 21 qarasha kúni habarsyz ketken kámeletke tolmaǵan qyzdyń deregi boıynsha Aqtóbe qalasy PB Jedel basqarý ortalyǵyna qala turǵyny habarlasty. Onyń aıtýynsha, 22 qarasha kúni tańǵy saǵat 07-de 11-shaǵyn aýdandaǵy №112 “V” úıiniń aýlasynan eki jas adamnyń máıiti tabylǵan. Tekserý kezinde joǵalǵan 17 jastaǵy qyz jáne onyń 18 jastaǵy dosy ekeni anyqtaldy.
Atap aıtqanda, qyz ben jigit 25 qabatty úıde ornalasqan kireberistiń balkonynan sekirgen. Polısııa qyzmetkerleri qaza bolǵandardyń jeke zattaryn tárkiledi. О́zine-ózi qol jumsaýdyń sebepterin anyqtaý boıynsha tekserý júrgizilip jatyr. Sot-medısınalyq saraptamalar taǵaıyndaldy. Atalǵan fakt QR QK-niń 105-baby 3-bóligi (О́zin-ózi óltirýge deıin jetkizý) boıynsha tirkeldi.
Aqtóbe oblysy PD bastyǵy A.Arystanov: – Jasóspirimder arasynda óz-ózine qol jumsaýdyń eń kóp kezdesetin sebepteri – mahabbat máselesi, qurdastarymen nemese ata-analarymen bolatyn janjal, bolashaq úshin qorqynysh jáne jalǵyzdyq sezimi. Ata-analar balanyń emosıonaldy jaǵdaıyna nazar aýdarýy kerek. О́zara áńgimelesip, sóılesý, máselelerdi talqylaý, olardy sheshýge úıretý, balanyń ómirge qushtarlyǵyn oıatý kerek. Eger Sizdiń qolyńyzdan kelmese, balańyzdyń áleýmettik nemese emosıonaldy jaǵdaıynda bir másele týyndaǵanda kómek suraýǵa qymsynbańyz. Bári ózdiginen jaqsarady dep úmittenbeńiz. Qyraǵylyq tanytyńyz, – dedi.
