Qoǵam • 24 Qarasha, 2020

"Daryn" syılyǵynyń laýreattary anyqtaldy

71 ret kórsetildi

QR Úkimetiniń qaýlysyna sáıkes 2020 jylǵy "Daryn" memlekettik jastar syılyǵynyń ıegerleri belgili boldy, dep habarlaıdy Egemen.kz

Atalǵan syılyq jemisti ǵylymı, shyǵarmashylyq, qoǵamdyq qyzmeti men joǵary sporttyq jetistikteri úshin beriledi.

"Estrada" nomınasııasy boıynsha syılyq T.Q. Júrgenov atyndaǵy Qazaq ulttyq óner akademııasynyń stýdentteri Dárııa Ońalǵazyqyzy Bolsanbek jáne Beksultan Talǵatuly Kenishqalıevke berildi.

"Klassıkalyq mýzyka" atalymynda Qazaq ulttyq óner ýnıversıtetiniń oqytýshysy Qalqaman Baǵdatuly Dúısembaev jáne atalǵan ýnıversıtet stýdenti Jibek Qanatqyzy Músirǵalıeva úzdik dep tanyldy.

"Halyq shyǵarmashylyǵy" nomınasııasy boıynsha QR Mádenıet jáne sport mınıstrliginiń "Qazaqkonsert" memlekettik konserttik uıymy" RMK solısi Muqııat Asqar jáne Qyzylorda oblystyq fılarmonııasy KMK ártisi Kúnsulý Túrikpenqyzy Túrikpen marapattaldy.

"Ádebıet" nomınasııasy boıynsha "Ádebıet portaly" ınternet jobasynyń qyzmetkeri Arman Manarbekuly Sherızatov top jardy.

"Teatr jáne kıno" nomınasııasy boıynsha Q. Qýanyshbaev atyndaǵy Memlekettik akademııalyq qazaq mýzykalyq drama teatrynyń akteri Ábilmansur Ábdinasyruly Serikov jáne Hadısha Bókeeva atyndaǵy oblystyq qazaq drama teatrynyń akteri Jasqaırat Sábıtuly Valıýllıev jeńimpaz atandy.

"Sport" atalymynda QR Ulttyq Olımpıada komıtetiniń frıstaıl boıynsha nusqaýshy-sportshysy Iýlııa Evgenevna Galysheva jáne jeńil atletıka jáne paýerlıftıng boıynsha paralımpıadalyq sportshy, "TSG contruction" JShS óndiristik-tehnıkalyq bólimi ınjeneriniń kómekshisi Jiger Málikuly Kenjeǵalıev júlde aldy.

"Dızaın jáne beıneleý óneri" nomınasııasy boıynsha zerger, Qazaqstan qolónershiler odaǵynyń múshesi Ardaq Otanǵalıuly Ábishev jáne "Zeken Moda" JShS bas dızaıneri Aqbota Joldasbekqyzy Toqtasynova oza shapty.

"Jýrnalıstıka" nomınasııasy boıynsha "Habar" agenttigi" AQ "Habar 24" telearnasynyń jýrnalısi Raýan Eruzaquly Myńbaev jáne "Qazaqstan" respýblıkalyq teleradıokorporasııasy" AQ Mańǵystaý oblystyq fılıalynyń jetekshi redaktory Ásem Baqytqyzy Sartbaeva ıegeri atandy.

"Qoǵamdyq qyzmet" nomınasııasy boıynsha Qazaqstan halqy Assambleıasy "Jańǵyrý joly" respýblıkalyq jastar qozǵalysynyń tóraǵasy Spotkaı Maksım Aleksandrovıch jáne "Qazaqstan jastarynyń kongresi" qaýymdastyǵy ZTB atqarýshy dırektory Toqtar Kommýnaruly Bolysov marapat aldy.

"Ǵylym" nomınasııasy júldesin QR Bilim jáne ǵylym mınıstrligi "M.Á. Aıtqojın atyndaǵy Molekýlıarlyq bıologııa jáne bıohımııa ınstıtýty" ShJQ RMK ǵylymı qyzmetkeri Júsipbek Erkinuly Muqataev jáne "Nazarbaev Ýnıversıteti" derbes bilim berý uıymynyń doktoranty Ásem Nurjanqyzy Áshimova ıelendi.

Sońǵy jańalyqtar

Elimizde taǵy 1050 adam indetten aıyqty

Koronavırýs • Búgin, 09:44

Semeıge Saqtaǵanov ákim boldy

Taǵaıyndaý • Keshe

Birneshe oblysta jol jabyldy

Qazaqstan • Keshe

Uqsas jańalyqtar