Aımaqtar • 24 Qarasha, 2020

Túrkistan oblysynyń jedel-járdem qyzmeti 77 kólikpen tolyqty

29 ret kórsetildi

Túrkistan oblysy medısınalyq jedel-járdem stansasyna  77 sanıtarlyq kólik berildi. Saltanatty rásimge qatysqan oblys ákimi О́mirzaq Shókeev, otandyq óndiristegi jedel-járdem kólikteriniń jasaqtalýymen tanysty, dep habarlaıdy Egemen.kz.

"Koronavırýs indetimen kúres maqsatynda elimizde medısına salasyna úlken kóńil bólinip jatyr. Barlyq eldi mekenderde osyndaı jańarý bar. Jańa kólikter aýyl turǵyndarynyń medısınalyq qyzmetterge qoljetimdiligin arttyryp, jedel-járdem parkin jańartýǵa múmkindik berip otyr. Osy oraıda, sizderdiń eren eńbekterińiz úshin alǵysymdy bildirgim keledi", - dedi О́mirzaq Estaıuly.

Mamandandyrylǵan reanımasııalyq emdik sharalaryn kórsetýge múmkindik beretin   avtokólikter portatıvti ókpeni jasandy jeldetý apparaty, defıbrıllıator, elektrokardıograf, reanımasııalyq kómek kórsetýge arnalǵan chemodan, jyljymaly zembil, pýlsoksımetr, redýktor-ıngalıator jáne elektrsorǵyshtarmen jasaqtalǵan. Jyl sońyna deıin qosymsha 45 dana sanıtarlyq avtokólikpen jabdyqtaý kózdelgen.

Oblystyq qoǵamdyq densaýlyq basqarmasynyń málimetinshe, jedel-járdem stansasynyń 124 brıgadasy shaqyrtýǵa shyǵady. Táýligine ortasha eseppen 2000-ǵa jýyq qońyraý túsýde. Kelesi jyly brıgadalar sanyn 150-ge deıin arttyryp, medısınalyq jedel-járdem qyzmetin odan ári jetildirý josparlanǵan.

Sońǵy jańalyqtar

Elimizde taǵy 1050 adam indetten aıyqty

Koronavırýs • Búgin, 09:44

Semeıge Saqtaǵanov ákim boldy

Taǵaıyndaý • Keshe

Birneshe oblysta jol jabyldy

Qazaqstan • Keshe

Uqsas jańalyqtar