Bilim • 24 Qarasha, 2020

Soltústik Qazaqstanda úsh mektep karantınge jabyldy

14 ret kórsetildi

Soltústik Qazaqstan oblysy Ýálıhanov aýdanynyń 14 oqýshysynda koronavırýs belgileri anyqtalyp, úsh mekteptegi oqý barysy onlaın formatqa kóshirildi, dep habarlaıdy Egemen.kz

Búgin SQO Bilim basqarmasynyń basshysy Gúlmıra Kárimova О́ńirlik kommýnıkasııalar qyzmetindegi brıfıngide pandemııa jaǵdaıyndaǵy bilim berý uıymdarynyń jumysy jaıynda málim etti. Gúlmıra Kárimovanyń aıtýynsha, qyrkúıek aıynan bastap SQO-da 108 bala qaýipti ınfeksııany juqtyrǵan. Olardyń 61-i shtattyq rejimde, 47-si qashyqtan bilim alǵan. Al qarashada COVID-19 juqtyrǵan oqýshylardyń sany kúrt artqan.

"Qarasha aıynda 68 oqýshyda koronavırýs anyqtaldy. Qazirgi ýaqytta 19 bala em alyp jatyr. Onyń 14-i – Ýálıhanov aýdanynyń oqýshylary. Munda tek Chehov orta mektebinde ǵana bir táýlikte 7 baladan KVI anyqtaldy. Olardyń barlyǵy ınfeksııany kúzgi kanıkýl ýaqytynda, úılerinde juqtyrǵan. Basqa balalarmen baılanysta bolmasa da biz 90 oqýshysy bar bul mektepti onlaın formatqa aýystyrdyq", deıdi Gúlmıra Kárimova.

Ýálıhanov aýdanynyń ortalyǵy Kishkenekól aýylyndaǵy №1, №2 orta mektepter de qashyqtan oqýǵa kóshirildi.

Bul eki mektepte de 7 baladan KVI anyqtalǵan. Olar bir synyptyń oqýshylary emes jáne bul balalar da ınfeksııany kanıkýl ýaqytynda otbasynda juqtyrǵan.

"Qazirgi ýaqytta Aqqaıyń aýdanynda bir oqýshy, Petropavl qalasynda eki oqýshy aýyryp jatyr. Olardyń barlyǵy karantınde otyr. Al mektepter karantınge jabylmaıdy, tek qana bul mektepterde oqý formaty ózgeredi, ıaǵnı shtattyq rejımnen qashyqtan oqýǵa kóshiriledi", deıdi SQO Bilim basqarmasynyń basshysy.

Sońǵy jańalyqtar

Elimizde taǵy 1050 adam indetten aıyqty

Koronavırýs • Búgin, 09:44

Semeıge Saqtaǵanov ákim boldy

Taǵaıyndaý • Keshe

Birneshe oblysta jol jabyldy

Qazaqstan • Keshe

Uqsas jańalyqtar