"Jalpy dene shynyqtyrý – bul pandemııa men ózin-ózi oqshaýlaý kezeńinde qalyptasqan dene shynyqtyrý jáne sport áýesqoılary úshin jańa format. Onlaın-jarysqa densaýlyq jaǵdaıy boıynsha medısınalyq qarsy kórsetilimi joq jáne osy qaýipsizdik tehnıkasy erejelerimen tanysqan oqýshylar qatysa alady", – delingen habarlamada.
Qatysýshylar birqatar talaptardy mindetti túrde saqtaı otyryp, úıde (páter, úı, baspaldaq) úsh jattyǵý jıyntyǵyn oryndaý qajet. Sporttyq kıim bolýy kerek: velosıpedkalar, jeńil jeıde, leggınster, fýtbolkalar jáne t.b.
Jeńimpazdar men júldegerler uıymdastyrýshylar tarapynan dıplomdarmen, medaldarmen jáne baǵaly syılyqtarmen marapattalady.
Jarysqa qatysý úshin oqýshylar tirkeýden ótýi kerek. 7-8 synyp oqýshylary kelesi nómirler boıynsha habarlasa alady: 8 747 054 59 00; 8 778 344 28 78, nemese elektrondyq poshta arqyly: Ofp.7-8 klass@mail.ru.
9-11 synyp oqýshylaryn tirkeý úshin baılanys telefony: 8 701 909 66 77; 8 702 409 45 46, jáne elektrondyq poshta: Ofp.9-11 klass@mail.ru.
17-27 qarasha aralyǵynda elordada onlaın-rejımde "Biz júgiremiz" marafony ótedi. Onyń sharty boıynsha, turǵyndar kez kelgen yńǵaıly ýaqytta 06:00-den 21:00-ge deıin,elordadaǵy ózi qalaǵan saıabaqta belgili bir jas sanatyna sáıkes keletin qashyqtyqta júgiredi.
Jarys 4 km, 6 km, 8 km jáne 10 km qashyqtyqta ótedi. Saıys nátıjesi STRAVA qosymshasynda kórsetiledi.
Onlaın-jarysqa qatysqan juptardyń jalpy nátıjeleri jınaǵan upaılaryn arqyly anyqtalady. Alǵashqy úsh orynnyń ıegerleri arnaıy júldeler men medaldarǵa ıe bolady. Jeńimpazdardy elimizdiń belgili sportshylary, Álem jáne Olımpıada chempıondary marapattaıdy.
Aıta ketý kerek, elordadaǵy sporttyq is-sharalardyń mańyzdy sharttarynyń biri – sanıtarlyq-epıdemıologııalyq normalardy saqtaý.
