Aımaqtar • 25 Qarasha, 2020

Túrkistan oblysynda "Eńbek" baǵdarlamasy aıasynda 67 myń adam qoldaý aldy

16 ret kórsetildi

1 qarashadaǵy jaǵdaı boıynsha Nátıjeli jumyspen qamtýdy jáne jappaı kásipkerlikti damytýdyń 2017 – 2021 jyldarǵa arnalǵan «Eńbek» memlekettik baǵdarlamasy sheńberinde Túrkistan oblysynda 67 myń azamatqa qoldaý kórsetildi, onyń 48 myńnan astamy turaqty nemese sýbsıdııalanatyn jumys oryndaryna jumysqa ornalastyryldy.

Arys qalasynyń turǵyny, 24 jastaǵy Aıdos Dosymjan uzaq ýaqyt boıy ózine laıyqty jumys taba almaı júrgen. Jumyspen qamtý ortalyǵynda oǵan tańdaý úshin birneshe bos jumys orny usynyldy jáne ol óz qalasynyń jumyspen qamtý jáne áleýmettik baǵdarlamalar bóliminiń janyndaǵy «Úıde áleýmettik qyzmet kórsetý» kommýnaldyq memlekettik mekemesine áleýmettik qyzmetker bolyp jumysqa ornalasýǵa sheshim qabyldady.

«Jumyspen qamtý ortalyǵyna habarlasýǵa baǵdarlama boıynsha jumys tapqan dosym keńes berdi. Men bes aı boıy áleýmettik qyzmetker bolyp jumys isteımin. Onyń úsh aıynda – uıymnyń shtatynda turaqty qyzmetker retinde qyzmet etýdemin. О́zime unaıdy, perspektıva bar», – dedi jas jigit.

«Eńbek» memlekettik baǵdarlamasynyń taǵy bir qatysýshysy Álimjan Hasan Jetisaı qalasynyń Jastar resýrstyq ortalyǵynda turaqty jumysqa ornalasty. Osy óńirde, biraq №1 balalar-jasóspirimder sport mektebine Elaman Turdymuratov ornalasty.

Sonymen qatar, Túrkistan oblysynda kásipkerlik bastamany damytýǵa erekshe kóńil bólinedi. Máselen, «Eńbek» memlekettik baǵdarlamasy aıasynda Saryaǵash aýdanynyń turǵyny Fatıma Rýzıeva jeńildetilgen sharttarmen mıkrokredıt alyp, 15 tigin mashınasyn satyp alyp, kamýflıaj kıimin tigetin seh ashyp, qosymsha 6 adamdy jumyspen qamtyp otyr.

«Árbir júgingen adamǵa ózine jaqyn sala boıynsha barynsha keń tańdaý berýge tyrysamyz. Jastar men kópbalaly analarǵa basymdyq beriledi. Balalardy tárbıeleýden qol úzbeı, memlekettik grant qarajaty esebinen jeke isin ashyp, úıde jumys isteýge múmkindigi bar», – dep atap ótti Túrkistan oblysynyń jumyspen qamtýdy úılestirý jáne áleýmettik baǵdarlamalar basqarmasynyń basshysy Ásııa Temirbaeva.

О́ńirdiń jumyspen qamtýdy úılestirý jáne áleýmettik baǵdarlamalar basqarmasynyń málimetinshe, aǵymdaǵy jylǵy 1 qarashadaǵy jaǵdaı boıynsha memlekettik baǵdarlama sheńberinde jumyspen qamtýǵa járdemdesý boıynsha sharalardy 67 myńnan astam adam aldy. Osylaısha, 2 myńǵa jýyq adam kásiptik oqytýdan ótti, kásipkerlik qyzmetti damytýǵa granttar men jeńildikti kredıtter 10,5 myń adamǵa berildi, turaqty jumys oryndaryna 23,7 myń azamat, al jastar praktıkasy boıynsha 6 myń adam jumysqa ornalastyryldy. О́ńirdiń 4 277 turǵynyna áleýmettik jumys oryndary usynyldy, 20,4 myń adam qoǵamdyq jumystarǵa tartyldy.

Esterińizge sala keteıik, bıyl Qazaqstan boıynsha «Eńbek» baǵdarlamasyna 580,9 myńnan astam adam qatysyp, túrli qoldaý túrlerin aldy. 379,5 myń adam jumysqa, onyń ishinde 231,5 myń adam turaqty jumysqa ornalastyryldy, memleket sýbsıdııalaıtyn jumys oryndaryna 198 myń adam jumysqa turdy, 12 myń jeńildikti kredıt jáne 34 myń qaıtarymsyz grant berildi, «Bastaý Bıznes» jobasy boıynsha kásipkerlik negizderine qysqa merzimdi oqytýdan 33,2 myń adam ótti.

Sońǵy jańalyqtar

Elimizde taǵy 1050 adam indetten aıyqty

Koronavırýs • Búgin, 09:44

Semeıge Saqtaǵanov ákim boldy

Taǵaıyndaý • Keshe

Birneshe oblysta jol jabyldy

Qazaqstan • Keshe

Uqsas jańalyqtar