BAQYLAÝ BOLMAI QYLMYS AZAIMAIDY

Keshe Bas Prokýror Qaırat Mámıdiń tór­aǵalyq etýimen elimizdiń quqyq qorǵaý organdary úılestirý keńesiniń kezekti májilisi bolyp ótti. Onyń jumysyna Prezıdent Ákimshiligi Basshy­sy­nyń orynbasary T.Donaqov, Bilim jáne ǵy­lym mınıstri J.Túımebaev, Adam quqyqtary jónin­degi ýákil A.Shákirov, Parlament depýtat­tary jáne memlekettik organdardyń ókilderi qatysty. Májiliste jasóspirimder arasyndaǵy qylmys­tyq áreketterdiń jıilep jáne údemeli sıpat alyp bara jatqandyǵy sóz boldy. Halyqtyń turmysy túze­lip, áleýmettik jaǵdaı jaqsarǵan saıyn jasóspi­rimder qylmysynyń azaıý ornyna, onyń túrli sıpatta etek alýy alańdatady. Sondyqtan da bolsa kerek, bul másele týraly Memleket basshysy ótken jylǵy qarashada halyqpen ótkizilgen tikeleı jeli barysynda atap kórsetti. Elbasy kámeletke tolmaǵandar arasyndaǵy qylmystyń taralýymen kúresti kúsheıtý qajettigin aıtty. Biraq jaǵdaı áli máz emes kórinedi. Májiliste Bas prokýratýranyń keltirgen jasóspirimder qylmysy týraly tyń málimetteri jaǵany ustatady. Olar aımaqtarǵa shyǵyp tekserýler júrgizgen. Nátıjesinde belgili bolǵandaı, keıbir óńirlerde, ásirese, Taraz qalasynda jaǵdaı kúrdeli kúıinde qalyp otyr jáne ondaǵy orta oqý oryndarynda bopsalaý, aqsha jınaý jáne buzaqylyq derekteri jıilep ketken. Májilis barysynda Bas Prokýror quqyqtyq yqpal etý sharalarynyń tıimdiligin arttyrý, al­dyn-alý jumystaryn sapaly júrgizý, jasóspi­rim­derdi qylmystyq elementterdiń yqpalynan ba­ryn­sha qorǵaý, sondaı-aq olardyń quqyqtarynyń buzylýynyń ýaqtyly jolyn kesý qajettiligin atap kórsetti. Búgin biz osy bir kúrdeli másele­lerdi úılestirý keńesiniń múshelerimen sheshýdiń joldaryn, kámeletke tolmaǵandar arasyndaǵy quqyq buzýshylyqtarmen kúrestiń jaı-kúıin, sondaı-aq quqyq qorǵaý jáne ýákiletti organdardyń jumys tıimdiligin arttyrýǵa baǵyttalǵan sharalardy talqyladyq, deıdi Bas Prokýror Qaırat Mámı. Aleksandr TASBOLATOV.