Aımaqtar • 26 Qarasha, 2020

Kórmedegi kórkem kitaptar

37 ret kórsetildi

Bıyl dańqty batyr, qalamger Baýyrjan Momyshulynyń týǵanyna 110 jyl tolyp otyr. Uly Otan soǵysynda óshpes erlik kórsetken kórnekti tulǵanyń esimi árdaıym el esinde.

Jazýshynyń ózi «Ushqan uıa» atty ómirbaıandyq kita­bynda Jýaly aýdanyn­daǵy Kólbastaý aýylynda dúnıege kelgenin, ákesi Momyshtyń el arasynda aǵash ustasy jáne etikshi, zergerligimen tanymal bolǵanyn, anasy Rázııanyń erte dúnıeden ótkenin, sol kezden bastap ájesi Qyztýmastyń qolynda óskenin jazady.

Batyrdyń ónegeli ómir jolyn búgingi urpaqqa keńinen nasıhattaý maqsatynda Shý aýdany Jańajol aýylyndaǵy B.Momyshuly atyndaǵy orta mekteptiń kitaphanasynda qa­lam­gerdiń elýge jýyq áde­bı kitaptary qoıyldy. Ar­naıy uıymdastyrylǵan kór­mege kelýshiler jazýshynyń «Ush­qan uıa», «Mýzeı apa», «Arpa­lys», «General Panfılov», «Aıtylmaǵan aqıqat» jáne «Alystan sálem joldaımyn» atty kitaptarymen tanysty. Ár jyldary jazylǵan bul shyǵarmalarda sol kezeńniń túrli sýretteri jazýshy kó­zimen berilgen. Sondaı-aq ke­lýshilerge Baýyrjan Mo­myshulynyń ómirinen máli­metter berilip, ásirese 1924 jy­ly Shymkent qalasyndaǵy jetijyldyq mektepti bitirgen soń muǵalim bolyp jumys istegeni de aıtyldy. «Árıne Baýyrjan Momyshuly atamyz týraly aıtylǵanda árbir qazaq soǵys jyldary qan maıdanda qol bastaǵan batyrdyń tulǵasyn elestetedi. Elimiz batyr perzentiniń esimin árqashan esinen shyǵarmaıdy. Atamyzdyń «Otan úshin otqa tús, kúımeısiń», «О́z ultyn syılamaý, ony maqtanysh etpeý – satqyndyqtyń bel­gisi» degen naqyl sózderi árdaıym urpaqqa uran bolyp keledi. Soǵysta bolǵan ár­bir ata-babamyzdy qa­shanda júregimizde, oıymyz­da, sanamyzda saqtap, qadirleı bilýimiz qajet», deı­di Ja­ńa­jol aýylyndaǵy B.Mo­mysh­uly atyndaǵy orta mek­­tep­tiń kitaphana meńge­rýshisi Nursulý Sekeeva.

Kórmege kelýshiler qa­lamgerdiń baı murasyn tamashalap, ómiri men qyzmet jolyndaǵy tyń derekterge de qanyqty. Jalpy, B.Mo­myshuly atyndaǵy mek­teptiń kitaphanasy aldaǵy ýa­qytta da batyr esimin ulyq­taýdy jalǵastyra bere­tin bolady.

 

Jambyl oblysy

 

Sońǵy jańalyqtar

Tarazda jasyryn oıyn orny anyqtaldy

Aımaqtar • Búgin, 16:26

Aqtaýda býynsyz bala turady

Vıdeo • Búgin, 16:04

iPhone 12 densaýlyqqa zııan dep tanyldy

Tehnologııa • Búgin, 15:38

Jańa Lada Niva kóligi qurastyrylýy múmkin

Tehnologııa • Búgin, 15:26

Semeıde eki avtobýs jol apatyna tústi

Aımaqtar • Búgin, 15:18

Qudyqqa qulaǵan qunandy qutqaryp qaldy

Aımaqtar • Búgin, 13:38

Arysta joǵalǵan bir úıir jylqy tabyldy

Aımaqtar • Búgin, 13:25

Dollar qymbattady

Ekonomıka • Búgin, 11:35

Uqsas jańalyqtar