QR UQK ShQO boıynsha Departamentimen "J" jeke medısınalyq ortalyǵymen uıymdastyrylǵan QR shekarasyn zańsyz ótýge qoldanylatyn jalǵan dárigerlik konsýltasııalyq komıssııa (DKK) qorytyndylaryn satý boıynsha qyzmeti toqtatyldy.
"Bıyl 18 qyrkúıekte jedel-izdestirý sharalary kezinde jalǵan DKK qorytyndysyn baqylaý satyp alý nátıjesinde atalǵan medısınalyq ortalyq qyzmetkerleriniń zańsyz áreketi rastaldy. Jedel-tergeý sharalardyń nátıjesinde aldynda berilgen 200 jýyq DKK qorytyndylary, dárigerlerdiń qoly men tańbalary qoıylǵan toltyrylmaǵan blankiler, tańbalar jáne kompıýterlik tehnıka tabylyp, tárkilenip alyndy", deıdi komıtettegiler.
Kýágerlerden jaýap alý nátıjesinde DKK qorytyndylarynyń túpnusqalary alynyp, sáıkes ekspertızaǵa joldandy.
UQK málimetinshe, medısınalyq ortalyqtyń dırektor orynbasary men bas dárigeri 5 myń teńge aqshalaı syıaqy úshin jalǵan DKK qorytyndylaryn tulǵalarǵa satyp otyrǵan. Sonymen qatar, shetel medısınalyq mekemesinen shaqyrý qajet bolǵan jaǵdaıda, qyzmet baǵasy 10 teńgege baǵalandy.
"Atalǵan fakt boıynsha QR UQK ShQO boıynsha Departamentimen QR QQ 385 baby 1 tarmaǵy boıynsha qylmystyq is qozǵaldy. Júrgizilgen tergeý sharalary jáne jınaqtalǵan dáleldemeler nátıjesinde kúdiktiler óz kinásin tolyǵymen moıyndady. Nátıjesinde 2020 jyldyń 19 qarashasynda sotpen kúdiktiler QR QQ 385 baby 2 tarmaǵy boıynsha kináli bolyp tabylyp, árqaısysyna 1000 MEK kóleminde aıyppul taǵaıyndaldy. Osy jyldyń qyrkúıeginen bastap 3 ShQO turǵyny jalǵan DKK qorytyndylaryn paıdalaný arqyly shekaradan zańsyz ótý áreketi toqtatyldy", delingen habarlamada.
