2015-2018 jyldar aralyǵy kezeńinde 15 ákimshilik quqyq buzýshylyq (QR ÁQBtK 640-baby) 2019 jyly 52 is tirkeldi.
Aǵymdaǵy jyldyń 9 aıynda ESQ-ny zańsyz berýdiń 30-dan astam faktisi jáne ony qorǵaý boıynsha sharalardy saqtamaýdyń 5-ten astam jaǵdaıy anyqtaldy. Atalǵan faktiler boıynsha 10-nan 150 AEK-ke deıingi mólsherde aıyppul salyndy.
«Sońǵy kezderi Mınıstrliktiń atyna jeke jáne laýazymdy tulǵalardyń ESQ - ny zańsyz berý faktileri boıynsha kóptegen materıaldar men shaǵymdar kelip túsýde. ESQ-nyń qol qoıýshy tulǵanyń óz qolymen qoıǵan qolymen teń ekenin jáne birdeı zańdy saldarǵa ákep soqtyratynyn bilý mańyzdy», - dep túsindirdi Qazaqstan Respýblıkasynyń Sıfrlyq damý, ınnovasııalar jáne aeroǵarysh ónerkásibi mınıstrligi Aqparattyq qaýipsizdik komıtetiniń tóraǵasy Rýslan Ábdiqalyqov.
Aldyńǵy kezeńmen salystyrǵanda memlekettik organdar men uıymdar basshylarynyń óz ESQ-syn basqa qyzmetkerlerge berý jaǵdaılary, sondaı-aq jumys berýshiler jumystan bosatylǵan qyzmetkerlerdiń ESQ-syn keri qaıtarmaıtyn jaǵdaılary artty. Mundaı is-áreketter ESQ-ny zańsyz qoldanýǵa yqpal etedi. Bul ákimshilik jáne tipti qylmystyq jaýapkershilikke ákep soǵady.
О́zin qorǵaý jáne alaıaqtyqtyń qurbany bolmaý maqsatynda nemese keri jaǵdaıda, buzýshy mınıstrlik retinde tómendegilerdi usynady:
Birinshiden, ESQ-ny úshinshi tulǵalarǵa berýdi boldyrmaý. Uıymdarda qujattarǵa qol qoıýǵa jaýapty qyzmetkerler úshin jeke ESQ berý.
Ekinshiden, uıymnan ESQ-sy bar qyzmetkerlerdi jumystan shyǵarý faktilerin qadaǵalaý jáne olardy ESQ-men ýaqtyly keri qaıtaryp alý.
Úshinshiden, joǵalǵan jaǵdaıda, aldyńǵy ESQ-ny keri qaıtaryp alyp, ESQ-ny dereý qaıta shyǵarý, sondaı-aq paroldi standarttan neǵurlym kúrdelige aýystyrý.
