Aımaqtar • 26 Qarasha, 2020

Jyl basynan beri iKOMEK 2 mıllıon ótinishti atqardy

8 ret kórsetildi

Nur-Sultan qalasynyń iKOMEK109 biryńǵaı baılanys ortalyǵyna 2 mln-nan astam ótinish kelip tústi. 1,71 mln-nan astam ótinish birinshi qońyraýdan atqarylyp, jabyldy. Bul týraly qala ákimdiginiń baspasóz qyzmeti habarlady.

Búginde iKOMEK servısin elordanyń 600 myńnan astam turǵyny paıdalanady. 5 mıllıonǵa jýyq ótinish qabyldandy. «Bul iKOMEK-tiń adamdar ákimdikke nemese kommýnaldyq uıymdarǵa júgine alatyn yńǵaıly servıs ekendigin ǵana emes, sondaı-aq qala turǵyndarynyń belsendiligi artqanyn bildiredi», - dedi iKOMEK qalalyq ortalynyń basshysy Jannat Dúbirova.

iKOMEK109 biryńǵaı baılanys ortalyǵy kommýnaldyq kásiporyndardyń barlyq baılanys ortalyqtaryn biriktiredi jáne turǵyndarmen baılanysatyn biryńǵaı torap bolyp tabylady. «2008 jyly bastaý alǵan joba – iKOMEK109 búginde AQSh-taǵy 311 qyzmeti ispettes ákimdiktiń barlyq kommýnaldyq kásiporyndary men basqarmalarynyń jumysyna ıntegrasııalanǵan tolyqqandy qalalyq qyzmet», - dedi Jannat Dúbirova.

Búginde árbir turǵyn ózine yńǵaıly ótinish berý tásilin: telegram botty, ákimdik saıtyn nemese mobıldi qosymshany tańdaı alady. Árbir ótinish avtomatty túrde tirkelip, jaýapty uıymdardyń atqarýyna berilip otyrady. iKOMEK qalalyq ortalyǵynyń mamandary ótinish tolyqtaı atqarylǵansha máseleni baqylaýda ustaıdy.

Esterińizge sala keteıik, iKOMEK109 biryńǵaı baılanys ortalyǵy Qazaqstan Respýblıkasy boıynsha TJ rejımi engizilgen kezde Nur-Sultan qalasy boıynsha koronavırýstyq ınfeksııanyń taralýyna qarsy is-qımyl jónindegi jedel shtabtyń shuǵyl jelisi retinde belgilendi. TJ rejımi saqtalǵan ýaqyt ishinde iKOMEK109 koronavırýs máseleleri boıynsha 370 myńnan astam ótinishti atqardy. Sonymen qatar karantın kezeńinde 1,3 mln-nan astam ótinish atqaryldy.

Munymen qatar, bıyl iKOMEK109 qalalyq ortalyǵy Call Center Awards 2019-2020 halyqaralyq baıqaýynda «Taldaýdyń, klıentterdi zertteý men túsinýdiń úzdik tájirıbesi» atalymynda «Qazylardyń joǵary baǵasyn» aldy. Bul baıqaýdan marapat alý Ortalyǵymyz úshin dástúrge aınaldy. Baılanys ortalyqtary salasyndaǵy halyqaralyq sarapshylar bizdi TMD boıynsha úzdikterdiń úzdigi dep moıyndap otyr. О́tken jyly biz «Baılanys ortalyǵyn qurýdyń/biriktirýdiń úzdik jobasy» atalymynda baılanys ortalyqtary ındýstrııasynyń «Oskaryn» ıelendik.

Sońǵy jańalyqtar

Jańaqala jigitteriniń jaqsy isi

Qoǵam • Búgin, 20:15

Oqýshy neden kóz jumdy?

Qoǵam • Búgin, 19:35

Qostanaıda qurylys alańy otqa orandy

Aımaqtar • Búgin, 18:55

Dollardyń erteńgi baǵamy belgili boldy

Ekonomıka • Búgin, 18:00

Qaraǵandy oblysynda zeınetkerler tonaldy

Aımaqtar • Búgin, 16:37

О́z týystaryn tonaýshylar kóbeıgen

Aımaqtar • Búgin, 16:07

Elordada qylmys sany 20%-ǵa azaıǵan

Aımaqtar • Búgin, 15:24

BQO: Balany qar úıindisi basyp qaldy

Aımaqtar • Búgin, 15:12

Indet juqtyrǵandar sany kóbeıdi

Koronavırýs • Búgin, 13:58

Aldaǵy kúnderi qar jaýyp, kún jylynady

Qazaqstan • Búgin, 12:47

Uqsas jańalyqtar