Halyqaralyq jasyl tehnologııalar men ınvestısııalyq jobalar Ortalyǵy bazasyndaǵy ǵylymı-saraptamalyq qaýymdastyqtyń jınalysynda ǵylymı qaýymdastyq Tujyrymdany jetildirý boıynsha usynystaryn aıtty.
«Ǵalymdar jáne azamattyq qoǵammen birge Qazaqstannyń 2050 jylǵa deıingi tómen kómirtekti damý Tujyrymdamasyn ázirlep jatyrmyz. Onda parnıkti gazdardyń qaldyǵyn azaıtý sekildi túrli is-sharalar qaralǵan. Jıyn barysynda ǵylymı qaýymdastyq Tujyrymdany jetildirý boıynsha usynystaryn aıtty»,- dep jazdy mınıstr.
Eske salaıyq, Memleket basshysy Joldaýynda «Jasyl damý» jáne el ekonomıkasyn tereń kómirteksizdendirý boıynsha usynystar jıyntyǵyn daıyndaýǵa erekshe nazar aýdarǵan.
Mınıstr Maǵzum Myrzaǵalıev atap ótkendeı, klımat máseleleri ózge de elderdiń saıasatynda úlken ról oınaıdy. Mysaly, byltyr Eýroodaq 2050 jylǵa deıingi parnık gazdary shyǵaryndylarynyń netto-nóldik kórsetkishine jetý boıynsha Eýropalyq jasyl kelisimdi qabyldady. Qazaqstan da bul baǵyt boıynsha alǵa qadam basyp keledi.
