«Meniń bolashaq otbasym», «Reprodýktıvti densaýlyq», «Ekonomıka jáne otbasylyq bıýdjet» taqyryptarynda dáristerdi ál-Farabı atyndaǵy QazUÝ otbasylyq qundylyqtardy zertteý ortalyǵynyń dırektory, psıhologııa ǵylymdarynyń kandıdaty, dosent Maıra Kabakova ótkizdi.
Onlaın semınar-trenıngterge ál-Farabı atyndaǵy QazUÝ, Abaı atyndaǵy QazUPÝ, «Turan» ýnıversıteti, «Qaınar» Akademııasy, Júrgenov atyndaǵy Qazaq ulttyq akademııasy, S.J.Asfendııarov atyndaǵy medısına ýnıversıteti, «Narhoz» ýnıversıteti, Eýrazııalyq tehnologııalyq ýnıversıtetterinen 500-den astam stýdent qatysty.
Otbasylyq ómir – bul úlken shyǵarmashylyq joba! Eger osy mańyzdy joba sheńberindegi qyzmet pen qarym-qatynas lázzat, qýanysh syılasa, onda siz baqytty adamsyz, – dep esepteıdi Almaty qalasynyń jastar men otbasyn turaqty damytý bóliminiń basshysy Orynbasar Qudaıbergenov.
Esterińizge sala keteıik, Almaty qalasynyń qoǵamdyq damý basqarmasynyń qoldaýymen «Otbasy ınstıtýty» jobasynyń maqsaty – Almaty qalasynda otbasy ınstıtýtyn nyǵaıtý jáne turmystyq zorlyq-zombylyqtyń aldyn alý. Osy áleýmettik tapsyrysty tikeleı júzege asyrýmen «Zor Rýh» qaıyrymdylyq qory aınalysady.
Joba Halyqty áleýmettik qorǵaý júıesinde otbasylyq-baǵdarlanǵan tásildi damytýǵa, otbasy ınstıtýtyn nyǵaıtýǵa jáne turmystyq zorlyq-zombylyqtyń aldyn alýǵa baǵyttalǵan. Onyń aıasynda Almaty qalasynda otbasy ınstıtýtyn nyǵaıtýǵa jáne otbasy múshelerine turmystyq zorlyq-zombylyqtyń aldyn alýǵa baılanysty psıhologııalyq, quqyqtyq, bilim berý jáne basqa da máseleler boıynsha aqparattyq-konsýltasııalyq jáne resýrstyq qoldaý kórsetiledi.
