Halyqqa qyzmet etýdiń jarqyn úlgisi

Ult Kóshbasshysynyń turaqty jáne júıeli negizde atqaryp kele jatqan ólsheýsiz eńbeginiń nátıjesinde Qazaq­stan serpindi damý jolyna tústi, saıası, ekonomıkalyq jáne áleýmettik, onyń ishinde densaýlyq saqtaý salasy jań­ǵyr­tyldy. Qazaqstan Respýblıkasynyń Tuńǵysh Prezıdenti kúni merekesin atap óte otyryp, Elbasymyzǵa, memleketi­mizdiń qalyptasýy men damýyna qosqan tarıhı eńbegine qurmet kórsetemiz.

Qazaqstannyń jáne Tuńǵysh Pre­zı­denttiń aıryqsha jetistigi – jańa elorda – Nur-Sultan qalasynyń salynýy. О́tken 22 jyl ishinde qatardaǵy oblys ortalyǵynyń ornynda qala qurylysy, sáýlet salasyndaǵy barlyq álemdik talaptarǵa, sondaı-aq osyndaı deńgeıdegi jáne mártebeli qalalarǵa qoıylatyn basqa da talaptarǵa sáıkes astanalyq fýnksııalary bar zamanaýı irgeli qala paıda boldy. Nur-Sultan táýelsiz Qazaqstannyń aıshyqty kelbetine aınaldy. Elorda búkil res­pýblıka ómiriniń reńi men qarqynyn belgileıdi. Elordany kóshirý Táýelsizdik kezeńindegi elimizdiń damý barysyn aıqyndap bergen dáýirlik oqıǵa boldy.

Nursultan Nazarbaev  memleketti basqarǵan kezeńde Qazaqstan uly jetis­tikterge qol jetkizdi.1991 jyldan bas­tap Qazaqstan ekonomıkasy 20 esege jýyq ósti, bir jarym myńnan astam mektep, eki myńnan astam emhana men aýrýhana, myńǵa jýyq balabaqsha salyndy. Halyqtyń ortasha ómir súrý uzaqtyǵy – 67 jastan 73 jasqa deıin ósti. Osynyń barlyǵy Elbasynyń syndarly saıasaty arqasynda júzege asty.

Tuńǵysh Prezıdenttiń basshylyǵy­men elimizde buryn-sońdy bolmaǵan 14 500 shaqyrym jol salyndy jáne qaıta jóndeldi. Bul jaı joldar emes, beton joldar, avtobandar. Buryn bes-alty saǵatta eńserilgen joldy qazir eki-úsh saǵat­ta júrip ótemiz. Sondaı-aq 2 500 sha­qy­rym temir jol, Kaspıı teńi­zin­de eki port salyndy. Bul baǵytty saq­taý ǵana emes, damytý da mańyzdy. Avtojol qurylysynyń keıbir jobalary­na men ózim de qatystym. Sol kezde eldiń eko­no­mıkalyq, ındýstrııalyq áleýetiniń qan­shalyqty artqanyna kóz jetkizdim.

Tutastaı alǵanda, eger Táýelsizdiktiń 30 jyly ishinde Tuńǵysh Prezıdent, Elbasynyń basshylyǵymen júzege asyrylǵan tabysty reformalar men jetistikterdi óte uzaq ýaqyt atap ótýge bolady.  Búginde Qazaqstan as­qara­ly bıikterden kóri­nip, halyq­ara­lyq arenadaǵy bedel­iniń  bıik bolýy Nur­sultan Nazar­baev­tyń  dıplo­matı­ıalyq qa­rym-qatynastaǵy eseli eńbeginiń nátı­jesi ekendigi sózsiz. Shynynda da, bul tarıhı ólshemder boıynsha qysqa merzim, biraq Qazaqstan osy jyldar ishinde egemendi damý jolynda mańyzdy qadamdar jasady jáne aıtarlyqtaı jetistikterge jetti.

Meniń oıymsha, elimizdiń árbir azamaty úshin Tuńǵysh Prezıdent kúnin mereke­leýdiń mańyzy zor.  Bul – Qazaq­standaǵy halyq birligi men kelisim kúni. Elimizdiń Tuńǵysh Prezıdenti tarıh­qa egemen Qazaqstannyń barlyq jetis­­tik­terimen baılanysty Tulǵa retinde, búkil qyzmeti óz halqyna qyz­met etý­diń jarqyn úlgisi bolyp tabylatyn álem­dik aýqymdaǵy kórnekti saıasatker retinde máńgilikke endi.

Erik SULTANOV, 

Parlament Senatynyń depýtaty