Jıynǵa Aqparat jáne qoǵamdyq damý mınıstri Aıda Balaeva, «Rýha­nı jań­ǵyrý» qazaqstandyq qoǵamdyq damý ıns­tıtýtynyń basqarma tóraǵa­sy Danııar Esın, qoǵam qaıratkerleri Búrkit Aıaǵan men Japsarbaı Qýanyshev, Par­lament Májilisiniń depýtaty Nur­lan Álim­janov, Qazaqstan halqy As­samb­­leıasy Tóraǵasynyń orynbasary Maııa Bekbaeva, Eýropalyq quqyq jáne adam quqyqtary ınstıtýtynyń dırek­tory, Qazaqstan Prezıdenti janyn­daǵy Ulttyq qoǵamdyq senim keńesi­niń múshesi Marat Báshimov jáne Qazaq­stan strategııalyq zertteýler ınstı­týty dırektorynyń orynbasary Sanat Kósh­kim­baev qatysty.

Jıynnyń beta­shar sózin alǵan mınıstr Aıda Balaeva alda kele jatqan 1 jeltoqsan – Qazaq­­stan Respýb­lıkasynyń Tuń­ǵysh Prezı­denti kúni merekesimen quttyq­­taı kele, meı­ram­nyń eldigimiz ben mem­lekettigimiz­diń adamı sımvoly ekendigin ári turaq­tylyq pen beıbitshiliktiń bire­geı kepiline aı­nal­ǵan aıshyqty kún ekenin atap ótti.

– О́ıtkeni táýelsizdigimizdiń negizin qalap, egemendigimizdi bekitken Nursul­tan Ábishulynyń tarıhı tulǵasy men saıa­­sı qaıratkerligi qashanda zor qur­metke ıe. Rasynda da, «qazaq» degen ult­ty álemge tanytyp, «Qazaqstan» de­gen eldi dúnıeniń tórine ozdyrǵan – Elbasynyń parasaty men álem sarap­shylary «Nazarbaev joly» dep atap ketken salıqaly saıasaty. Sodan bolar, bul mereke bir tulǵanyń emes, tutas ulttyń, táýelsiz jurttyń ortaq qýanyshy dep nyq senimmen aıta alamyz. Kelesi jyl – elimiz úshin tarıhı jyl. Táýelsizdigimizge – 30 jyl. Bul mártebeli mereıtoı memleketimiz úshin el Prezıdenti Qasym-Jomart Toqaevtyń jańa kezeńdegi aýqymdy reformalary aıasynda atalyp ótedi. Munyń ózi – jasampaz damý jolyndaǵy urpaqtar sabaqtastyǵynyń shynaıy ónegesi men Elbasy saıasatynyń ta­bys­ty jalǵasyn dáripteıtin ýaqyt bolmaq, – dedi mınıstr Aıda Balaeva. Sondaı-aq Semeı polıgonyn jabýdaǵy jáne álem elderine ıadrolyq qarýdan bas tar­týǵa úlgi kórsetýdegi Elbasy Nur­sul­tan Nazarbaevtyń róli ja­ıynda baıandaı kele, Memlekettik táýelsizdikti jarııa etý, beıbitshilikti ustanym ete otyryp, eldi uzaq merzimdi jetistikterge jetelegen kóshbasshy qaıratkerligin úlgi etti.

Qazaqstannyń kópvektorly syrt­qy saıasatyn damytýda úlken úles qosqan jáne respýblıkanyń BUU men EQYU-ǵa kirý jónindegi kelissózderge qatys­qan, táýelsiz Qazaqstannyń tuń­ǵysh Syrt­qy ister mı­nıstri bolyp qyzmet etken Tóleýtaı Sú­leı­menov Prezıdent N.Nazar­­baev­tyń stra­­tegııalyq kóregen­digi damýdyń qazaq­stan­dyq ozyq úlgisin aı­qyndaǵanyn, son­­daı-aq Qazaqstan­nyń ornyqty ósip-ór­ken­deý jolynda aıryqsha yqpal et­ke­nin jetkizdi. Dıplomatııalyq qyz­met­­t­egi alǵashqy qadamdaryn eske al­ǵan qaıratker Elbasy baıypty halyq­­ara­lyq bastamalarymen elimiz bıik halyq­aralyq bedelge ıe bolyp, ǵalam­dyq ıadrolyq qarýsyzdaný qoz­ǵalysynyń kósh­­bas­shysyna aınal­ǵanyn tilge tıek etti.

– Nursultan Nazarbaev memleket qurý jolynda úlken jaýapkershilik arqalaı otyryp, saıası kóregendiligimen bolashaq el úshin jańa jetistik qura aldy, bul – ońaı sharýa emes. Mańyzdy tarıhı kezeńde elimizdiń keleshek baǵy­tyn aıqyndaı alýynyń arqasynda, Qazaq­stan halqy bolashaqtaǵy jetistikke negiz bolatyn tabysqa qol jetkizdi. Men ózim týyp-ósken ólkedegi ıadrolyq jary­lystyń alǵashqy kýágerimin, ol kezde nebári 12 jasta boldym. Tuń­ǵysh Perezıdent – Elbasynyń ıadro­lyq synaqty toqtatý jónindegi she­shimi umytylmas tarıhymyzǵa aınaldy, – degen T.Súleımenov ǵalamdyq qaýip­siz­dikti aımaqtyq qaýipsizdik máse­le­leri­men ushtastyra bilgen Nursultan Na­zarbaevtyń parasatty reformator retindegi saıası kóregendigi jaıynda keńinen áńgimeledi.

Sondaı-aq dóńgelek ústelge Reseı Federasııasynyń Qazaqstan Res­pýb­lı­kasyndaǵy Tótenshe jáne ókilet­ti elshisi Anatolıı Borodavkın, Skandı­navııa Akademııalyq utqyrlyq ınstıtý­tynyń rektory Elına Vanhempıng, О́zbekstan ulttyq ýnıversıtetiniń professory, fılosofııa ǵylymdarynyń doktory Nıgınahon Shermýhamedova syndy Qazaqstanda akkredıtasııadan ótken dıplomatııalyq korpýstyń ókil­deri men halyqaralyq sarapshy­lar da qatysyp, el táýelsizdigin qalyp­tas­­­ty­rý jolyndaǵy memleketimiz ba­ǵyn­­­­dyr­ǵan bıik belester jaıynda oı qos­­ty. Bul rette QHA kafedrasynyń meń­­­­gerý­­shisi, EUÝ QHA kafedralary qaýym­­das­­tyǵynyń tóraǵasy, saıasattaný ǵylym­darynyń doktory Natalıa Kalash­nıkova Nursultan Nazarbaev qurǵan beıbitshilik pen kelisimniń qazaq­standyq modeli jaıynda sóz qozǵaı kele, etnosaralyq qatynastardy damytý máselelerin sheshýde joǵary deńgeıde yqpal etkenin aıryqsha atap ótti.

– Demografııalyq jáne kóshi-qon pro­sesteriniń joǵary dınamıkasy Qazaq­stannyń táýelsizdik alǵannan keıin álem­degi eń kóp etnostyq jáne polıkonfessııaly memleketterdiń birine aı­nalýy­­na yqpal etip, ártúrli etnostyq toptar men konfessııalar arasyn­daǵy ózara áre­kettesý prosesterin oń­taı­landyrý bo­ıyn­sha Qazaqstannyń tájirıbesin ashyq kórsete otyryp, bar problemalardy durys atady. Bul jańa áleý­met­tik-eko­no­mıkalyq jaǵdaılar, aqpa­rat­tyq-kom­mý­nıkasııalyq tehnologııalar týdyr­ǵan álemdik saıasattaǵy ózindik daǵ­­darys­tarǵa der kezinde jaýap boldy. Adam­­gershilik, senim, rýhanı baı­lanys­tar, toleranttylyq jáne bir-birine degen qurmet qatynastary – Nursul­tan Nazar­baev qurǵan qoǵam­dyq kelisim men ulttyq birliktiń qazaqstandyq modeliniń negizi, – dedi Natalıa Kalashnıkova.