– Almahan apa, nebir ózen-kól, da­rııalar bastaýyn bulaqtardan alatyny sekildi, sizdiń de armanyńyzǵa qanat bitirgen topyraqtyń bary anyq. Áńgi­memizdiń álqısasyn baldáýren shaqtan bastasaq...

– Eh, shirkin, baqyt izdep mine, 70-ti de alqymdadyq. Al naǵyz baqytty shaǵymyz shyn ónerdi izdep júrgen kezimiz eken ǵoı. Bala kóńil, sol sulý sáttiń tu­nyǵyna boılaı alsyn ba? Men ózi Ra­ıymbek aýdany, Qaınar aýylynyń týma­symyn. Ákeden de, shesheden de jalǵyzbyn. Ákem dúnıeden oz­baǵanda anam áli de ómirge sábı ákeler me edi. Ajal aıtyp kele me, soqyrishegi jarylyp qaıtys boldy. Áıtpese adam túınekten óle me? Mal baǵyp júrgende taýdyń basyndaǵy áıelder sýyq ustap qaldy ma dep, kúl basa bergen ǵoı, sodan syrqaty asqynyp ketipti. Ekeýi de jylqyshy bolǵan kisiler. Anam nebári 30 jasynda kúıeýinen aırylsa da meni jetimkóńil etpeıin dep qaıta turmys qurmady.

Qyzdyń artynan qamshyustar kele me degen nıetpen ulsha kıindirip, ulsha tárbıelegen. Sodan da bolar kúni búginge deıin, tik sóılep, betke aıtatynym. Ne kerek, shamnyń piltesin kóterip qoıyp, túnimen kitap oqyp óstik. Radıodan gúrildep shyǵatyn ártúrli áýender janyma maıdaı jaǵatyn. Sol sezim dombyra, syrnaı, skrıpka úırenýime jol ashty. Ol ýaqytta skrıpka degen ne teńim deseńshi, boı bermeı satyp aldym ǵoı. Men án salmaı, aýyldaǵy jıyn aıaqtalmaıtyn.

– Er minezdi ekenińizdi aıtyp qal­dyńyz. Bul qylyq bolmy­sy­ńyzdan da baıqalady. Kýáliktegi «Núr­pe­ıi­sova» degen tegińizdi tyrnaqpen óshi­rip, «a» áribiniń artyq ekenin aıtyp, kópshilikti kúlkige kómipsiz. Sol ar­tyq­shylyq sizge ónerde de oqshaý, óz­ge­den dara turýǵa sep bolǵan sekildi...

– Iá, balam nebir qyzyq bastan ót­ti ǵoı. 6-synyp oqyp júrgen kezimde qa­ladan aýylymyzǵa jańadan jas muǵalim kelip, birinshi kúnnen-aq Núrpeıisov «shashyńdy al» dedi. Oıymda túk joq, úıge baryp anama aıttym. Ol kisi sózime mán de bergen joq. Ertesinde álgi muǵalim sabaqta uryspasy bar ma, sonda synyptastarym «aǵaı, ol negizi qyz» dep jamyraı jóneldi. Sóıtsem, menen basqasynyń bári bilip júrgen eken. Eki betim órtteı laýlap, kirerge tesik tappadym. Eseıip qalǵan kezim, ózim pisken kómeshteı top-tompaq bolatynmyn. Sodan aǵaıyn-týys jıylyp, ıýbka tigip berdi. «Kımeımin» dep qıǵylyq salyp kórip edim, ózińe jarasyp tur dep asty-ústime túsip qyzsha sylap-sıpap qoıdy.

Endi ıýbkamen dalada oınaı qoıaıyn desem shalbarǵa úırenip qalǵan aıaq, óz etegime ózim súrinip ábden qınaldym. Aqyry qolymdy bir siltedim de, uıatty jıyp qoıyp, ıýbkanyń ishinen shalbar kıip aldym. Sóıtip ádettegi sharýammen aınalysa berdim. Mektepke kıip barmaıyn desem, aǵaı ursatyn bolǵan soń amalsyz oǵan da kóndim. Oń men terisin bilmeı talaı ábigerge tústik qoı. Mekteptegi qurbylarym qaıta-qaıta aıtyp júrip, ony da úıretti.

– Sol mektep qabyrǵasynda oqyp júrgende, qazaqtyń tuńǵysh kásibı operatory Eskendir Tynyshbaevtyń batasyn alǵan ekensiz. Bul sizdiń ómirińizdegi jarqyn sátterdiń bir bolar? Olaı deıtinimiz, úlken ónerge jol ashqan sol kisi emes pe?

– Qudaı kóp kórmesin, ómirde joly bolǵan adamnyń biri menmin. Kúndiz Qaınar bulaǵynan sý alyp kele jatqan betim, esik aldynda kolhoz bastyǵy júr. Alystan barlap qarasam, anamnan meniń qaıda ketkenimdi surap jatyr. Almatydan arnaıy qonaqtar kelipti. Solardyń aldynda óner kórsetýim qajet eken. Birden qolyma dombyramdy ala saldym da, sońynan ere jóneldim.

 Barsam, tórde uzyn boıly, aqsary ádemi kisi otyr. Bir oıym orys pa dep qoıamyn, ol ýaqytta balamyz, orystyń atyn estimesek, kórgen adamymyz emes. Eshteńege qaraǵanym joq, «Jetisý» ánin shyrqadym. «Boldy, osy qyz jarap tur, erteń bizben birge taýǵa barady» dedi qonaqtar razy bolyp. Sóıtsem, kınooperatorlar eken. Mundaǵy qoıshylardyń tynys-tirshiligin túsirýge kelipti. Jetisý tabıǵaty aıasynda otyryp án aıtatyn oqýshy qyz izdegen. Mine, sodan kópke málim, qarshadaı qyzdyń tastyń ústinde án aıtqan shaǵyn epızody muraǵatqa endi de ketti.

Túsirilim aıaqtalǵan soń, barlyǵymyz artynyp-tartynyp kolhoz bastyǵy Raýan Áripovtiń úıine shaı ishýge bardyq. Dastarqan basynda baǵanaǵy tórde otyrǵan aq shashty kisi: «Talabyńa nur jaýsyn, botam! Almatyda estrada jáne sırk óneri stýdııasy ashylyp jatyr. Sonda Júsipbek Elebekov degen aǵań bar. Barsań, seni oılanbaı oqýǵa alady. Roza Jamanova apań jaman ákesin jaqsy etti. Kim biledi, keıin sen de halyq ártisi bolatyn shyǵarsyń» dedi. Bul – ónerime berilgen eń alǵashqy baǵa bolatyn. Ony aıtqan qazaqtyń tuńǵysh temir jol ınjeneri Muhamedjan Tynyshbaevtyń jalǵyz uly, óner qaıratkeri Eskendir Tynyshbaev edi.

– Qazaq ániniń ardaǵy Júsipbek Elebekov qalaı qarsy aldy? Aýyldy moıyndatqan balaýsa qyz Almatyny moıyndata aldy ma?

– Júsipbek aǵa meni óte qatty jaqsy kórdi. Qudaı ońdap, barǵan bette birden oqýǵa túsip kettim. Halyq áni «Shápıbaı-aý» týraly shyǵarma jazyp, móldiretip oryndaǵanymnan keıin ustazdyń yqy­lasy tipti erekshe boldy. Stýdenttik ómir­diń árbir sáti áli kúnge kóz aldymda. Bá­rimiz aǵaıdyń kele jatqanyn terezeden ba­qylap otyramyz. Qalaǵa jańa kelgen «balmuzdaqtarǵa» uly tulǵany syrttaı baqylaǵannyń ózi súıinish edi.

Tumandy kún. Jańbyr sirkirep jaýyp tur. Bir kúni aǵaıdyń kóńil kúıi joq, synypqa kirip keldi. Qońyr plashyn irgedegi kıimilgishke ildi de, maǵan qarap «Almajan, án aıtshy» dedi. Qatty kúrsinip, terezege qaıta-qaıta qaraıdy. Sóıtsek, Máskeýde mashına qaǵyp, Sháken Aımanov qaıtys bolypty. Taǵy birde Jappas Qalambaev ómirden ozdy dep kózine jas alyp otyrdy. Aǵaıdyń jetpiske taıap qalǵan kezi, janaryndaǵy muńdy kórip bizdiń de kóńil jabyrqady. Qazaq óneriniń kenishine aınalǵan tul­ǵa­lardyń kelmeske ketkenine júrek qa­laı ezilmesin. Tarıhtyń bári ishinde. Keńes ókimeti aýyz ashtyrmaıtyn ker ke­zeń. Aǵaı óziniń repressııaǵa ushyraǵan «Qanattaldy» ánin úıretti. Osyndaı kere­met kúnde «nege qanat talady» dep keńes ıdeologııasy tyıym salǵan týyn­dy. Meniń oryndaýymdy estigen Ǵarı­folla Qurmanǵalıev: «Júseke, seniń «Qa­nattaldyńnyń» baǵy jandy» dep lebi­zin bildiripti. Ony keıin estidim. Eki alyp tulǵa úzilis kezinde foıede ha­lyqtyń jaı-kúıin ýaıymdap, sher tarqatysyp otyratyn.

Asharshylyq náýbeti kelgen tusta ár kóshege bir-bir arba qoıyp, ólgen adam­dardy teredi eken. Taý bolyp úıil­gen óliktiń sanynda esep joq. Sol ýaqyt­ta Almatyda tasbaqa qaptap ketipti. Adam­dardyń birazy sony jep aman qalǵan kó­rinedi. Qoldan jasalǵan kesapat deme­sine bolar ma, kórpeniń ishindegi júndi de jınatqan ǵoı, pátshaǵarlar! Kóp ún­siz júretin, qazir oılasam dert ishin jep jatqan eken. Sáken Seıfýllınniń seri­ligine jıi toqtalatyn. Alash arystary haqynda tam-tumdap aıtatyn, biz balamyz ózgege aıtyp qoıyp, basymyz pálege qala ma dep alańdasa kerek. Zulmat za­man zııalylarymyzdy osylaı tuqyrtty. Aǵaı­dyń áńgimeleriniń astaryn keıin baǵamdadyq.

– Ustazyńyz óziniń jolyn jalǵar dep sengen eken. Alaıda ánshilikten ár­tis bolýǵa bet burypsyz. Bul she­shim­di Júsipbek Elebekov qalaı qa­byl­dady?

– Ustazdarym qansha qolpashtasa da, ózimdi jaqsy ánshi emespin dep oıladym. Dástúrli ánshi bolýǵa qabiletim jetip tursa da «ártis bolamyn» degen bala armanym basqa arnaǵa burdy. Ony estigende ustazym Júsipbek Elebekovtiń kóńili túsip ketti. Qabaǵy salyńqy: «Qaıda ba­rasyń? Onda seni kim qabyldaıdy eken?» dedi burtıyp. KSRO halyq ártisi Sholpan Jandarbekova dep edim, lezde júzine kúlki úıirildi. «Ol meniń Qudaı qosqan kórshim, bir aýyz sóz aıtaıyn» dedi jadyrap. Ol kezde aýyldan kelgen salbyraǵan qyz emespin, jınaqy, jigit súısiner sulý boıjetkenniń birine aınalǵan arýmyn. 

Sol ýaqytta ártiske qoıar talap óte úlken bolatyn. Áreń degende orys tili­nen 3 alyp, Qurmanǵazy atyndaǵy Qazaq ulttyq konservatorııasyna tústim. Sen­seńiz, sol úshtiń nátıjesinde Halyq ártisi atandym emes pe? Keıinnen Sholpan apamnyń qandaı myqty aktrısa ekenine kózimiz jetti. Bizge oqý bitirgenshe bir­de-biriń úılenbeıtin bolyńdar dep min­dettedi. Qaıdaǵy, oqýǵa túsken 17 bala­nyń birinen soń biri otbasyn qurdy. Kendebaı ekeýmiz de qatarymyzdan qal­maı bas quradyq. Sholpan apamyz bizge urysyp júrip, qala syrtyndaǵy 3 bólmeli úıin berdi.

Biz tálim alǵan mektep – mektepterdiń ulysy edi ǵoı. Ánýar Moldabekov, Ydy­rys Noǵaıbaev, Tańat Jaılybekov, Ka­mal Qarmysov, Asanáli Áshimov, Bı­ken Rımova, Farıda Sháripova sekil­di taý talanttardan úlgi aldyq. Árqaı­sysy sahnaǵa shyqqan saıyn zal lyq to­lyp otyrady. Obraz ornynda, oqıǵa shıe­lenisip jatady. Kórgen jan rýhanı baıyp qaıtady. Jazýshylarmen kezdesýden qalmaıtynbyz. Bir kezdesýde Kendekeń ekeýimiz Abaı men Áıgerimniń monologyn oryndadyq. Zalǵa Muqaǵalı Maqataev kirip keldi. Kórermender tik turdy. Muqań shashyn qaıyryp jiberip, birden sahnaǵa bettedi. О́zimen qatar qalamgerlerdiń «áı» degenine qaraǵan joq, buza-jaryp eki óleń oqydy. Halyq qoımaı taǵy birneshe óleńin oqytty. Nesin aıtasyń, 70-jyldar ádebıet pen mádenıettiń naǵyz altyn dáýiri edi.

– Qara óleńniń qaǵbasyna aınal­ǵan Muqaǵalı Maqataevpen jerles ekenińizdi el biledi. Sizder túlep shyq­qan topyraq talanttardyń anasy ispetti. Bir áńgimeńizde aqyn ómirden ozǵanda qınalǵanyńyzdy aıtypsyz. Bul «Jas qaıyń» ániniń ómirge ke­lýimen tustasyp jatqan oqıǵa. Qa­lam­germen qanshalyqty jaqyn bol­dyńyz?

– Sol ýaqytta Narynqoldan qalaǵa úsh-aq avtobýs júredi. Sonyń bireýine úl­gerip, ilinip kele jatqan betim. Kóligimiz Saryjazdan toqtaǵanda, artynyp-tartynyp kóppen birge Muqaǵalı Maqataev ta otyrdy. Dostary jabylyp júrip, esikten kirgizip jibergenin kórip turmyn. Ań-tańmyn. Sol sátte qasymdaǵy kisi túsip, onyń ornyna Muqań jaıǵasty. Ishimnen osyny tilep otyrǵanmyn. Mu­qań­men qalaǵa birge keldim degen maq­tanysh áldılep barady. Maǵan qaraı jaılap buryldy da «Qaıda oqısyń?» dedi. Sasyp qaldym, bir jutynyp baryp, bolashaq óner adamy ekenimdi aıtym. «Eee, ekeýimizdiń ılegenimiz bir teri­niń pushpaǵy eken» dedi de, ıyǵyma qu­laı ketti. Sodan Muqaǵalı qalaǵa deıin ıyǵymda uıyqtap bardy.

Aqyn baqıǵa attanǵannan keıin kóp ýaqyt túsime kirdi. Oryndyqta otyrǵan qalpy kózinde jas uıyp tur, maǵan álde­nelerdi baıandaıdy. Júrek aryzyn jet­kizgisi keletindeı...

Jaımashýaq kóktem mezgili. Alakól aýdanyna gastroldik saparmen kelgenbiz. О́ner kórsetip bolǵan soń, aýyl halqy dalaǵa dastarqan jaıdy. Qazan kóterildi, el ý da shý. Ústel basynda jıylǵan jurt­qa jópeldemede ómirge jańa án kelgenin aıtyp, tusaýyn osynda kespek nıette ekenimdi jetkizdim. Ol kezde jaspyz, jalyndap turmyz. Oıymyzda túk te joq. Qolyma dombyramdy alyp «Jas qaıyń» ánin bastaǵanym sol-aq edi, kenet tóbemizge qara bult úıirilip, apyr-topyr jańbyr jaýa jóneldi. Halyq ornynan turar emes, áýenge elitip barady. Ǵajaby sol, án qalaı aıaqtaldy jaýyn da sap tyıyldy. Shamasy, Muqańnyń ishin­degi sher tógilip ketti me deımin. Bul aqıyq aqynnyń eshkimge jetkize almaǵan mu­ńyn tabıǵatqa aıtyp ketken týyndysy. Ishindegi zapyrany tasqa aınalǵan zar. Ándi alǵash ret Qazaqstannyń eńbek sińirgen ártisi Saǵat Jylkeldıev áldebir baıqaýda oryndady. Sodan el-jurtqa keńinen taralyp ketti. Men Muqańnyń 15 óleńine án jazdym, kóbi áli jaryqqa shyqqan joq.

– Muqaǵalı degennen shyǵady, siz­diń de óleń shyǵaratyn qabiletińiz bar eke­nin bilemiz. Aqyndyq Alladan túse­tin qasıet. Jyrdan jyraq júrge­nińizge ne sebep?

O, Tirshilik, ózińnen ótinishim,

Arqalatpa armannyń ókinishin.

Jalyndaǵan shaǵymda japa shegip,

Jaralǵam joq armanda ketý úshin.

Osy óleńim Narynqol aýdandyq «So­vettik shekara» gazetine jarııalan­dy. Sol ýaqytta aýdandyq gazette bel­gili aqyn Erkin Ibitanov jumys isteı­tin. Aqyn aǵamyz meniń baldyrǵan jyr­larym balaǵa tán emes dep, synı kóz­qaraspen qarady. Aǵanyń synaǵanyna shamyrqanyp qalsam kerek, óleńge jolamadym. Tabıǵattyń erkindigi júregime uıalaǵanda, anda-munda tyǵylyp jazatynym bar. Aqyry, bir bloknot óleńimdi bireýge syılap jiberdim.

– Almahan apa, áńgimemizdiń aýanyn basqa arnaǵa bursaq. Bizge de, ózgege de qyzyq bolar, bir otbasynda esimi dardaı eki óner adamynyń uıysýy. О́mirlik joldasyńyz – Qazaqstannyń Eńbek sińirgen qaıratkeri Kendebaı Temirbaıuly. О́ner joly – eń aýyr jol. Siz aldymen anasyz. Sahnada sheber ekenińiz máshhúr, as bólmesinde she?

– Ekeýmiz egiz týǵan bala sııaqtymyz. Qyrkúıektiń biri. Stýdenttik ómirdiń al­ǵashqy kúni. Birinshi sabaqqa sap-sary uzyntura jigit keshigip keldi. Birge em­tıhan tapsyrsaq ta Kendebaıdy kór­gen emespin. Ustazdyń nusqaýymen, me­niń qasyma kelip jaıǵasty. Alqam-salqam portfelinen kitap-dápterin alyp jatqanda oqý quraldarymen ilesip sa­qına jerge domalap tústi. Baıqaımyn qat­ty qysylǵan sııaqty, eki beti narttaı. Maǵan uıala qarap: «Myna saqına­ny siz alyńyzshy» deıdi. Sodan aramyzda mahabbat oty tutandy. Sabaqtan keıin, ekeýmiz eden jýamyz. Turatyn jerimiz ben konservatorııanyń arasy óte alys. Avtobýspen keminde 1 saǵat júresiń. Qar­­nymyz ashyp júrse de ónerge ińkár bol­dyq. Qazir bári ertegi sekildi. Bala kúnimnen meniń ómirlik joldasym óner adamy bolýy kerek dep oılaıtynmyn. Nesin jasyraıyn, as úıdiń sharýasyna asa beıim emespin. Dese de Kendekeń jasaǵan tamaǵyma syn aıtqan jan emes. Kóp ýaqytymyzdy qoıylymǵa arnaımyz. Bir-birimizdiń kemshin tustarymyzdy aıtyp, keńesip otyramyz. Oqýshylar saraıynda birlesip balalardy teatrǵa baýlyp júrmiz. Mine, búginde ónerdiń aqsaqaldary atanyp, B.Rımova atyndaǵy Almaty oblystyq qazaq drama teatryna tireý bolyp júrmiz.

– Sol teatrdyń irgetasyn qalaǵan adam­dardyń biri sizder emessizder me? Qazyǵy qaǵylǵan sátten osyndasyzdar. Talanttardyń ustahanasyna aınal­ǵan qasıetti shańyraqtyń qazir­gi jaı-kúıi qalaı?

– «Taldyqorǵan talanttar mektebi ǵoı, Shartarapqa daıyndap berip jat­qan» degen sózimiz bar. Bizdiń ashqan teatrdyń alǵashqy býyny óte myqty boldy. Talǵat Temenov, Álimbek Orazbekov, Tilegen Ahmetov, Dúısen Musabekov, Oraz Sársenbekov, Jibek Lebaeva, Janat Chaıkına, О́mirserik Qalıuly, Musa Áji­bekov sekildi maıtalmandardyń bir shoǵyry Jetisýda naǵyz ónerdiń týyn tikti. 1976 jyly Táńirbergen Qalı­hanov atamyzdyń «Altyn besik» pe­sasyn tuńǵysh ret sahnaladyq. Basty róldi Tilek Ábjáleev somdady. Ol kez­de mundaı tarıhı qoıylymdardy qoıý­ǵa bolmaıdy, qaǵyp túsiredi. Túngi saǵat 12-ge deıin daıyndalatynbyz. Búgin­gideı emes, bir spektakldi 3 aı elekten ótkizemiz. Teatrda ıne shanshar oryn bol­­maıtyn. О́nerdiń shyn janashyryna aınal­ǵan jaryq berýshi Qasym Tursanov, sah­na sýretkeri Suńǵat aǵalarymyzdyń eńbegi zor boldy. Qazaqqa aty málim úl­ken rejısserler jumys istedi. Teatrǵa kóz­qaras ár kezde de jaqsy boldy. Mine, bú­ginde oblys ákimi Amandyq Batalov pat­sha saraıyndaı jańa ǵımarat salyp ber­di. Bir áttegen-aıy, ártisterdiń ty­ny­syn ashatyn rejısserlerden aq­sap turmyz. Bul búginde elimizdegi bar­lyq teatrda bar másele. Bir jıynda Asan­áli Áshimovke aıtqanbyz, «jastardy Máskeýge jiberip oqytaıyq» dep. Biraq áli de sol baıaǵy jartas. Aılyq az, munda eshkimniń kelgisi kelmeıdi.

– Almahan apa, ónerdiń otymen kirip, kúlimen shyqqan jannyń birisiz. Muny áńgimeńizden de baıqadyq. Eger Táńirden taǵy bir múmkindik berilse, osy joldy tańdar ma edińiz?

– О́kinishim joq, qarǵam! Men ónerdiń bir balasymyn. Kelinderim «general» dese, uldarym «marshal» dep ataıdy. Kendebaı ekeýimiz bir shańy­raqtyń astynda baqytty ǵumyr keship kelemiz. Allaǵa shúkir, azdy-kópti ómir súrdik. Bıyl jetpis jyldyǵymyz ob­lys kóleminde atalyp ótilýi kerek bol­ǵan, aty jaman indet aldymyzdy orap ketti. Buıyrsa, toı alda. Arnaıy kita­bymyz da jaryq kórmek. El aman, jur­tymyz tynysh bolsyn. О́nerdiń de óz azaby bar ǵoı. Qaısibirin aıtasyń. Kóńildiń keı­bir kezderi degendeı... Sóz sońynda myna bir óleńimdi oqyp bereıin.

Men qaıtemin janymdy muń basqanda,

Syrlasqa da barmaımyn, qurdasqa da.

Amandyǵyn báriniń tileımin de,

Telmirem de otyram túngi aspanǵa.

– Áńgimeńizge rahmet.

Taqyrypqa tuzdyq

Qulanıektenip atqan bozamyq tańnyń sáýlesine ıek súıep, boljap qoıǵan jospardy sana qatparynan arshyp, bir pysyqtap alatyn ádeti. Janarynda áldebir muńnyń taby bar sekildi. Bálkim, kóńil túkpirinde panalaǵan alqyzyl sátterge saǵynysh bolar, bálkim, armanǵa toly kúnderge ańsar bolar, áıteýir kóńil kózesin shaıqaıtyny anyq. Aldaǵy kúnge salqam kóz tastap, ásireqyzyl dúnıeden aýlaqtap, shárbat kóringen tátti kezeńderge qaıta qonystanǵysy keletindeı, aqqan juldyzdaı azaıyp bara jatqan qatarlastaryna degen qımastyq oty janyn sharpıtyndaı...

Iá, ómir-kerýeni bir sátke bolsa da kidirip ne toqtap kórgen emes. Bókenniń jelisindeı jóńkigennen jóńkip, tarıhqa aıǵyz-aıǵyz izin qaldyryp, nar tulǵaly jandardyń esimin ekshep berýde. Soǵan da táýbe! Jalt etken jasyndaı, jarq etip ótken qanshama óner maıtalmandary bar. Búgingi urpaq sol juldyz-ǵumyrly jandarǵa qurmet kórsetip, esimin ardaqtap keledi. Al ónerdiń qara shańyraǵy bolyp esepteletin teatrdyń sahnasynda saıran salyp ótken akterlerdiń shebi shekteýsiz. Solardyń qatarynda Jetisý jampozdarynyń esimi erekshe bederlengendeı. 40 jyldan astam tarıhy bar teatrdan shyqqan daryndylar legi tolastap kórgen emes. Sondyqtan da bolar, janarǵa jyly ushyrap, júrekke qýanysh uıalatady.

Áńgimelesken

Muhtar KÚMISBEK,

«Egemen Qazaqstan»