Tehnologııa • 27 Qarasha, 2020

Jasandy ıntellekt járdemi

80 ret kórsetildi

Atyraýda onkologııalyq aýrýǵa shaldyqqandar kóbeıip barady. Tipti qaterli isik dıagnozy qoıylǵan naýqastardyń arasynda jastar da bar. Munyń sebebi nede? Oblys ákimi Mahambet Dosmuhambetovtiń málimetine súıensek, buǵan qorshaǵan ortanyń buzylýy áseri etýi múmkin.

– Sońǵy eki-úsh jylda Atyraýda 100 myń adamǵa shaqqanda onkologııalyq aýrýlar kórsetkishi jasaryp bara jatqanyn bilip otyrmyz. Qazir onkologııalyq aýrýǵa shaldyqqan 4 100-den asa adam bar. Onyń 3 myńnan astamy emdeý kýrsynan ótti. Osyndaı naýqastardy emdeý úshin rentgen, sıfrly mammografııa, kompıýterlik tomografııa, MRT apparattary bir júıege qosyldy. Bul júıe onkologııalyq aýrýdy erte satyda anyqtap, naýqasty der ýaqy­tynda emdeýge múmkindik beredi, – deıdi óńir basshysy.

Qazir ókpe obyryn, sút bezi qaterli isigin, tipti COVID-19 saldarynan paıda bolǵan ókpe qabynýyn bastapqy satyda anyqtaýǵa qoldanylatyn jasandy ıntellekt bar radıologııalyq zertteýlerdi ortalyqtandyratyn jańa joba usynylyp otyr. Bul joba oblystyq densaýlyq saqtaý basqarmasy men «WDSOFT» JShS kompanııasy arasyndaǵy memleket-jekemenshik seriktestik aıasynda júzege asyryldy. «PACS» biryńǵaı medısınalyq aqparat júıesi arqyly 20 medısınalyq mekemeni bir arnaǵa engizildi.

«PACS» júıesine kompıýterlik baǵ­dar­lamalar, serverler, baǵdarlamalyq qam­tamasyz etý kiredi. Sıfrly radıologııa­lyq túsirilimderdi arhıvte saqtaýǵa múm­kindik bar. Sonyń nátıjesinde, bul júıege qosylǵan aýrýhanalar medısınalyq sıfr­lyq kórsetilimge qol jetkizedi. Má­selen, naý­qasty bir medısınalyq meke­me­den ekin­shisine, tipti aýdannan oblys or­taly­ǵyna jibergende plenkaly nemese qaǵaz tú­rindegi túsirilimderdiń qajeti bolmaı qa­lady. Aýrýdyń órshý qarqynyn baqy­laý­ǵa múmkindik týady. WDSOFT kompa­nııa­sy­nyń ókili Renat Sársembaevtyń aıtýyn­sha, ­jasandy ıntellekt dárigerlerdiń júk­te­me­­­­sin azaıtyp, dıagnozdy naqtylaı túsedi.

– Bul – óte tıimdi joba. О́ıtkeni kom­pıýterlik tomografııa, MRT, rentgen, mammografııa syndy kóptegen radıologııalyq zertteýlerdi ortalyqtandyrýǵa bola­dy. Birden birneshe máseleni sheshýge sep­tigin tıgizedi. Sonyń ishinde qaterli isik aýrý­laryn erte anyqtaýdy, radıolog-dári­gerlerdiń jetispeýshiligin, sıfrly den­saýlyq saqtaý júıesin damytýdy ońtaı­landyrady. Sonymen qatar jasandy ıntel­lektini qoldaný arqyly jedeldik artady. Máselen, aýdanda jasalǵan túsirilim sol kúni oblystaǵy mamandarǵa jetkizilip, olar der kezinde tıisti qorytyndyny jedel shyǵara alady. «Akgıýn» halyqaralyq uıy­mynyń qoldaýy arqyly koronavırýs ınfeksııasy týyndatqan ókpe qabynýyn anyqtaýǵa arnalǵan jasandy ıntellektige qol jetkizdik. Qaýipti indettiń sharyqtaý kezinde kóptegen adam keýdege kompıýterlik tomografııa túsirilimin orynsyz jasata bergen. Jasandy ıntellekt adamnyń ókpesi qabynǵanyn, ne qabynbaǵanyn lezde anyqtap beredi. Eger aýrý belgisi tabylsa, ony kompterlik tomografııa saraptamasyna joldap, ókpeniń qabyný deńgeıin anyqtaıdy, – deıdi R.Sársembaev.

 

Atyraý oblysy

Sońǵy jańalyqtar

Oqýshy neden kóz jumdy?

Qoǵam • Búgin, 19:35

Qostanaıda qurylys alańy otqa orandy

Aımaqtar • Búgin, 18:55

Dollardyń erteńgi baǵamy belgili boldy

Ekonomıka • Búgin, 18:00

Qaraǵandy oblysynda zeınetkerler tonaldy

Aımaqtar • Búgin, 16:37

О́z týystaryn tonaýshylar kóbeıgen

Aımaqtar • Búgin, 16:07

Elordada qylmys sany 20%-ǵa azaıǵan

Aımaqtar • Búgin, 15:24

BQO: Balany qar úıindisi basyp qaldy

Aımaqtar • Búgin, 15:12

Indet juqtyrǵandar sany kóbeıdi

Koronavırýs • Búgin, 13:58

Aldaǵy kúnderi qar jaýyp, kún jylynady

Qazaqstan • Búgin, 12:47

Uqsas jańalyqtar