Ekonomıka • 27 Qarasha, 2020

Keler jyly tarıf kóterilmeıdi

27 ret kórsetildi

...Ortalyq kommýnıkasııalar qyzmetindegi brıfıngke qatysqan Tabıǵı monopolııalardy retteý komıtetiniń tóraǵasy Asan Darbaev osylaı dedi. Iаǵnı tarıfterge qatysty ózgeris kútilip otyrǵan joq.

Onyń aıtýynsha, osy jyldyń qańtarynda halyq úshin tarıfterdiń ósýi tejeldi. Áıtpese, kommýnaldyq qyzmetter tarıfiniń ortasha josparly ósimi 15,5 paıyzdy quraýǵa tıis edi. Memleket basshysynyń tapsyrmasyna sáıkes qabyldanǵan sharalardyń nátıjesinde tarıfterdiń ósýi 2019 jyl­ǵy qańtarmen salystyrǵanda res­pýblıka boıynsha orta eseppen 0,5 paıyzdy qurady. Tek elektrmen jab­dyqtaýda ǵana 5 paıyzdyq ósim tir­kel­gen. Buǵan stansalardyń shekti tarıf­te­riniń orta eseppen 15 paıyzǵa ósýi sebep bolǵan.

– Komıtet tarıfterdiń ósýin tejeý úshin 400-den astam monopolıstiń qyz­metine taldaý júrgizdi. Sonyń nátı­jesinde barlyq óńirdegi sýbek­ti­­lerge jalpy somasy 16,4 mlrd teń­gege ýaqytsha ótemdik tarıfter bekitildi. Budan bólek, basym baǵyt­ta­ry joq mo­no­polısterdiń jekelegen shy­ǵys­tary 10,4 mlrd teńgege ońtaı­lan­dyryldy. Osylaısha, halyq shamamen 27 mlrd teńge únemdeıdi, – dedi ol.

Komıtet tóraǵasynyń aıtýynsha, bıyl­ǵy tótenshe jaǵdaı kezinde tarıfter orta eseppen 7,4 paıyzǵa tómendegen. Sóıtip, bir aıda tutynýshylar 1 mlrd teńge únemdedi.

– Prezıdent tapsyrmasyna sáıkes 1 sáýirden bastap tótenshe jaǵdaı jáne karantın kezeńinde respýblıka boıynsha sýmen jabdyqtaý tarıfi 8 paıyzǵa, sý burý tarıfi 9,3 paıyzǵa, jylýmen jabdyqtaý tarıfi 7,6 paıyzǵa, elektrmen jabdyqtaý tarıfi 5 paıyzǵa tó­men­dedi, – dep naqtylady Asan Darbaev.

Sonymen qatar tótenshe jaǵdaı kezinde monopolısterge qaryzy bar tutynýshylardy kommýnaldyq qyzmet­ter­den ajyratpaý usynyldy.

Monopolıst demekshi, olarǵa osy jyldyń on aıynda 1,11 mlrd teńge kóleminde aıyppul salynǵan. Onyń jartysyna jýyǵy tólenip, memlekettik qazynaǵa túsken. Jalpy, jyl basynan beri tabıǵı monopolııalar salasyndaǵy zańnamany buzǵany úshin monopolısterge qatysty 412 qaýly shyǵarylǵan.

– Azamattyq isterdiń jalpy sany 267-ni qurady. Onyń 77 paıyzy ko­mıtet­tiń paıdasyna sheshildi. Zań­dy jáne jeke tulǵalardan kelip túsken ótinishterdi qaraý aıasynda mono­po­lıs­­­terge qatysty jospardan tys 66 tek­serý júrgizildi. 42 jaǵdaıda buzý­shylyqtar anyqtaldy. Tıisinshe, olar ákimshilik jaýapkershilikke tartyl­dy. О́tinishterdi taldaý boıynsha zań­na­­many buzý týraly 319 uıǵarym shy­ǵa­ryl­dy. Onyń 213-i oryndaldy, – dedi komıtet tóraǵasy.

Bul rette, qyzmet kórsetýshi kompanııalar ınvestısııalyq baǵdar­lama­lardy júzege asyratyny belgi­li. Komıtet olar­dyń oryndalýyn ba­qy­laý­ǵa erekshe kóńil bóledi. Sýb­ek­t tarıfti alǵan soń jańǵyrtý jáne damytý boıynsha bel­gili bir mindettemelerdi oryndamaǵan jaǵ­daı­da Tabıǵı monopolııalardy retteý komıteti ótemdik tarıf engize alady. Iаǵnı ıgerilmegen qarajatty tuty­ný­shy­larǵa qaıtarýy kerek bolady.

– Byltyrǵy sýbektilerdiń tarıf­tik smetalary men ınvestısııalyq baǵ­­­­­­darlamalarynyń oryndalýyna tal­­­­daý júrgizildi. Nátıjesinde, keı­bir mindettemelerdiń oryndalmaǵany anyq­­­tal­dy. Osyǵan baılanysty búginde res­pýblıka boıynsha 12,4 mlrd teńgege 300-den astam sýbektige ýaqytsha ótem­dik tarıfter bekitildi. Onyń ishinde tarıftik smetany oryndamaǵany úshin – 9,08 mlrd teńge, ınvestısııalyq baǵ­dar­lamalardy oryndamaǵany úshin 3,34 mlrd teńge belgilendi. О́z kezeginde bul 12 aımaqtaǵy tarıfterdiń tómendeýine áser etti, – dedi Asan Darbaev.

Sondaı-aq jylý berý kezeńindegi syrt­qy aýanyń naqty temperatýrasyn eskere otyryp, jyl saıyn artyq tólengen aqsha qaıtarylady. О́tken jylytý maýsymynyń qorytyndysy bo­ıynsha tutynýshylarǵa 737 mln teńgege jýyq qarjy qaıtarylǵan.

 

Sońǵy jańalyqtar

Jetisý oblysynyń TJD basshysy taǵaıyndaldy

Taǵaıyndaý • Búgin, 15:08

Aralda jol apatynan bir adam kóz jumdy

Oqıǵa • Búgin, 11:35

Qazaqstannyń eksport kólemi artty

Ekonomıka • Búgin, 09:52

Pleı-offtan tys qaldy

Fýtbol • Búgin, 08:43

Úshinshi orynǵa kóterildi

Sport • Búgin, 08:40

Úzdik tórttiktiń qatarynda

Tennıs • Búgin, 08:39

Kásipkerlerge push-habarlama jiberedi

Tehnologııa • Búgin, 08:37

Uqsas jańalyqtar