– Búgingi tańda, bizdiń Almatyda indettiń ósýi qarqyny epıdemııalyq ahýaldy nasharlatyp otyr. Jyl basynan beri aýmaqta koronavırýstyq ınfeksııanyń 15876 jaǵdaıy jáne 1140 etıologııasy anyqtalmaǵan pnevmonııa tirkeldi, bul sary aımaqtan shyǵýǵa múmkindik berdi, – deıdi Jandarbek Bekshın.
Osyǵan qaramastan, epıdemııalyq ahýaldyń nasharlaýy baıqalady. 26 qarashadaǵy jaǵdaıǵa sáıkes, Almaly jáne Bostandyq aýdandary sary beldeýde (slaıd) aýrýshańdyq deńgeıi sáıkesinshe 28,5 jáne 29,4, Rt ındıkatory eki aýdanda 1,1-ge teń. Áýezov (21,2) jáne Medeý (23,3) aýdandary koronavırýstyq ınfeksııanyń jıiligi boıynsha «qaýipti» aımaqta. Taralý ındeksi boıynsha eń turaqty jaǵdaı Jetisý (0,9) jáne Túrksib (1,0) aýdandarynda baıqalady.
Almatyda KVI qazan aıynda qaıta bas kóterip, 366 KVI oqıǵasy tirkelgen bolatyn, bul qyrkúıek aıymen salystyrǵanda 2,2 ese joǵary (165 KVI jaǵdaıy). Bıylǵy 26 qarashadaǵy sońǵy málimetter 1122 KVI jaǵdaıy tirkelgenin dáıektep, qyrkúıekpen salystyrǵanda aýrý 7 esege ósti. Árbir KVI epıdemıologııalyq tergeýinde KVI jaǵdaılarynyń kelesi juqtyrý oryndary anyqtaldy:
Qoǵamdyq oryndar (túngi klýbtar, tamaqtaný oryndary, saýda jáne oıyn-saýyq ortalyqtary, saýda úıleri men bazarlar) – 33,7%
Úıde juqtyrǵandar – 28,7%
qalalyq kólik – 18,5%
jumys ornynda juqtyrǵandar – 13,1%
Shet elderden indet alyp kelgender – 3,5%
2,1% jaǵdaıy anyqtalmaǵan.
KVI-men aýyratyn naýqastardyń jas toptary arasynda belsendi jas 20-39 jas aralyǵyndaǵylar, bul joǵaryda atalǵan mekemelerge baratyn jastar, demek jumysqa barar jolda, qoǵamdyq oryndarda bolǵanda ınfeksııany juqtyryp úıge alyp kelgender.
ALMATY
