Mınıstrge "Qazaqstannyń dárigerleri burynǵy Densaýlyq saqtaý mınıstri Eljan Birtanovty qoldap, ashyq hat jazdy. Siz de Eljan Amantaıulyn qoldaısyz ba?" degen suraq qoıyldy.
"Bizdiń áriptester eń birinshi kezekte nıettestik, ekinshiden istiń anyq-qanyǵyna jetý qaǵıdatyna súıendi. Tilektes, nıettes ekenin áriptesterimiz bildirdi. Ary qaraıǵy isti qaraý, onyń mán-jaıyn anyqtaýdy quqyq qorǵaý organdary júrgizedi. Solardyń sheshimin kútemiz", dep jaýap aıtty Alekseı Soı.
Eske sala ketsek, osy aıdyń basynda burynǵy densaýlyq saqtaý mınıstri Eljan Birtanov qamaýǵa alynǵany habarlanǵan bolatyn. Qarjy monıtorıngi komıtetiniń ekonomıkalyq tergeý qyzmeti burynǵy densaýlyq saqtaý mınıstri Eljan Birtanovqa qatysty asa iri kólemde bıýdjet qarajatyn ysyrap etý faktisi boıynsha qylmystyq isti tergep jatyr.
