Taraptar qorshaǵan ortany saqtaý, ekologııalyq jaǵdaıdy jaqsartý, ǵylymdy damytý, zamanaýı ınfraqurylym qalyptastyrý jáne ulttyq tabıǵı parkterdiń aýmaǵyn abattandyrýǵa birge kúsh salýǵa kelisti.
"Biz Qazaqstannyń erekshe tabıǵı jáne mádenı qundylyqtaryn saqtaýǵa úles qosqymyz keledi. Joba aıasynda biz ǵylymı zertteýler men bilim baǵdarlamalaryna qarjylaı qoldaý kórsetemiz. Biz otbasylarymyz ben balalarymyzda elimizdiń tamasha tabıǵatynan lázzat alý múmkindigi bolýy úshin Ulttyq parkterdiń damýyna qatysamyz. Biz QazaqGeography-men birge elimizdiń ulttyq maqtanyshy men baılyǵyna aınalǵan qundylyqtardy keler urpaqqa jetkizýge bar kúshimizdi salamyz", dedi Kaspi.kz dırektorlar keńesiniń Tóraǵasy jáne negizin qalaýshylardyń biri Vıacheslav Kım.
Sondaı-aq Kaspi.kz basshysy jáne negizin qalaýshylardyń biri Mıhaıl Lomtadze Kaspi.kz QazaqGeography-men birlese otyryp klıentterdiń ómirin jaqsartý úshin qyzmet etetinin sóz etti.
"Árqaısymyz ásem tabıǵatty jaqsy kóremiz jáne salaýatty ómir saltyn ustanamyz. Bizdiń maqsatymyz óte qarapaıym – biz súıikti klıentterimiz ben olardyń otbasylarynyń jáne barlyq qazaqstandyqtardyń ulttyq parkterge rahattanyp barýy úshin QazaqGeography-ge ekologııalyq týrızmniń tartymdylyǵyn jaqsartý jáne sapaly, zamanaýı ınfraqurylym qalyptastyrýǵa kómekteskimiz keledi", dedi ol.
О́z kezeginde QazaqGeography basqarma tóraǵasy Orman Nurbaev Kaspi.kz-pen birge eldegi erekshe qorǵalatyn tabıǵı aýmaqtardy turaqty damytýǵa kúsh salatynyn aıtty.
"Bıznestiń áleýmettik jaýapkershiligi – kez-kelgen tabysty kompanııanyń jumysyndaǵy mańyzdy bóligi. Kaspi.kz –tiń ulttyq tabıǵı baılyqty saqtaý jáne damytý máselelerin sheshýge belsene qatysýy joǵary azamattyq jaýapkershiliktiń úlgisi. Biz Qazaqstannyń tabıǵı, tarıhı jáne mádenı murasynyń tanymaldylyǵyn arttyrýǵa, qorshaǵan ortany qorǵap, Qazaqstan Respýblıkasyndaǵy erekshe qorǵalatyn tabıǵı aýmaqtardy turaqty damytý men ekotýrızmdi damytýǵa birlese otyryp kúsh salamyz", dedi O.Nurbaev.
