Aımaqtar • 01 Jeltoqsan, 2020

Qazalyda kókónis jáne jemis-jıdek saqtaıtyn qoıma ashyldy

177 ret kórsetildi

Áıteke bı kentindegi óndiristik aımaqta taǵy bir kásipkerlik nysan iske qosyldy. Aýdanda azyq-túlik baǵasyn turaqtandyrý úshin 500 tonna kókónis pen jemis-jıdek saqtaıtyn qoımany "AgroOptServıs" JShS salyp otyr, dep habarlaıdy Egemen.kz

Jeke kásipker Bekbolat Bıbalaevtyń aıtýynsha, qoımada saqtalǵan kókónis pen jemis jıdekter halyqqa bazar baǵasynan 10-15 paıyzǵa tómen baǵada satylady. Ol úshin arnaıy dúńgirshekter salynady. Sondaı-aq, aýdan ortalyǵynan shalǵaı jatqan aýyldarǵa baryp, ónimderin arzan baǵada ótkizýdi josparlap otyr. Kókónister Túrkistan oblysynan, Reseıden, jemister Shymkent qalasynan, Túrkııa men Polshadan tasymaldanady.

Búgin aýdan ákimi Murat Ergeshbaev qoımaǵa arnaıy baryp, jumysymen tanysty. Aýdan basshysyna jeke kásipker qoımadaǵy kókónister men jemis-jıdekterdiń kólemin aıtyp, aldaǵy josparlarymen bólisti.

Qoımada jemisterdi saqtaıtyn eki oryn qarastyrylǵan. Oǵan qajetti temperatýrany ustap túrý úshin 2 tońazytqysh satyp alyndy. Ol úshin jeke kásipker "Qazaqstan Halyq banki" AQ-nyń Baıqońyr fılıaly arqyly 21 mln teńge nesıe alǵan. Aldaǵy ýaqytta tońazytqyshtar ornatylatyn qosalqy ǵımarat salý, 2 refrıjator júk kóligin alý kózdelýde.

Qazir qoımada Reseıden ákelingen 100 tonna kartop, 80 tonna jýa, 1,5 tonna qyryqqabat, alma, júzim, qurma sııaqty jemis-jıdekter de bar.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar