Baǵdarlama túsirilimi týǵan-týystary, dos-jarandary men áriptesteriniń qoldaýymen júzege asty.
"Almaty" telearnasy uıymdastyrǵan aldyn ala kórsetilimge buqaralyq aqparat quraldarynyń jetekshileri men áriptes, qyzmettes bolǵan jýrnalıster qatysty.
Belgili jýrnalıst, telejúrgizýshi Beısen Quranbekti eske alý qurmetine arnalǵan "Sáýle-ǵumyr" baǵdarlamasy 5 jeltoqsanda, saǵat 23:00-de "Almaty" telearnasynan kórsetiledi.
Eske salaıyq, jýrnalıst Beısen Quranbek bıyl mamyrda qaıtys bolǵan edi. Ol bir jyl boıy qaterli isikpen kúresken.
Beısen Quranbek 1971 jyldyń 9 jeltoqsanynda Almaty oblysynyń Qyzyljar aýylynda dúnıege kelgen. Uzaq jyldar boıy elimizdegi birqatar respýblıkalyq telearnada qyzmet atqarǵan.
2013-2017 jyldary Qazaqstan ulttyq telearnasyndaǵy kópshilikke tanymal "Aıtýǵa ońaı" áleýmettik-turmystyq tok-shoýynyń júrgizýshisi boldy. 2017 jyldyń qyrkúıek aıynan Ulttyq arnadaǵy "Qareket" baǵdarlamasynyń tizginin ustaǵan edi. 2014 jyldan bastap Almaty oblystyq "Jetisý" telearnasynyń bas dırektory qyzmetin atqaryp keldi.
