Aımaqtar • 03 Jeltoqsan, 2020

Atyraýda 1000-ǵa jýyq nysan karantın talaptaryn buzǵan

44 ret kórsetildi

Atyraý qalasynda karantın rejiminiń talaptaryn buzǵan 1000-ǵa jýyq kásipkerlik nysany anyqtaldy, dep habarlaıdy Egemen.kz IIM baspasóz qyzmetine silteme jasap.

Olardyń arasynda oıyn-saýyq oryndary men sulýlyq salondary, monsha, dúken, t.b. kásipkerlik nysandary bar. Atyraý oblysy Bas memlekettik sanıtarlyq dárigeriniń 2020 jylǵy 20 qazandaǵy №69 qaýlysyna sáıkes oıyn-saýyq oryndarynyń qyzmeti 22.00-ge deıin, azyq- túlik dúkenderiniń qyzmeti saǵat 23.00-deıin shektelgen.

Soǵan qaramastan Atyraý qalasynda tek juma-senbi kúnderi polısııa qyzmetkerleri mobıldik top quramynda reıdter ótkizý kezinde birneshe quqyq buzýshylyqty anyqtady. Atap aıtqanda, Stýdentter dańǵylynda ornalasqan "Lıft" meıramhanasy, Avangard-4 yqsham aýdanynda ornalasqan "Esperanzo" dámhanasy, Vokzal mańynda ornalasqan "Doner" dúńgirshegi, Vodnık kentinde ornalasqan "Begis" azyq-túlik dúkeni, M.Gorkıı kóshesinde ornalasqan "Ryba moeı mechty" karaoke klýby, S.Datov kóshesinde ornalasqan "Atameken" monshasy belgilengen ýaqyttan tys jumystaryn jalǵastyryp, karantın rejimin buzǵan.

Anyqtalǵan kásipkerlik nysandarynyń ishinde buǵan deıin de karantın rejimin buzyp, ÁQBtK-niń  425-babymen (Halyqtyń sanıtarııalyq-epıdemııalyq salamattylyǵy salasyndaǵy zańnama talaptaryn, sondaı-aq gıgıenalyq normatıvterdi buzý) jaýapkershilikke tartylǵanyna qaramastan, qaıtalap quqyq buzǵandar bar.

"Lıft" meıramhanasy osy ýaqytqa deıin úsh ret, "Ryba moeı mechty" karaokesi jeti ret karantın tártibin buzyp, saǵat 22:00-den keıin jumys istegen. Qazirgi ýaqytta atalǵan mekemelerdiń ıelerine qatysty jınalǵan qujattar prosessýaldyq sheshim qabyldaý úshin Taýarlar men kórsetiletin qyzmetterdiń sapasy men qaýipsizdigin baqylaý departamentine joldandy.

Shilde aıynan beri Atyraý qalasynda karantın tártibin buzǵan 1000-ǵa jýyq kásipkerlik obektisine 75 mln teńgege aıyppul salyndy.

Sońǵy jańalyqtar

Suıytylǵan gaz baǵasy óspeıdi

Qoǵam • 01 Shilde, 2022

Uqsas jańalyqtar