Túrkııa – egemendikke qol sozǵan Qazaqstannyń táýelsizdigin tanyǵan tuńǵysh memleket. 1991 jyldan bastap eki el arasynda barlyq salada baılanystar ornap, qarqyndy túrde damyp keledi. Baýyrlas eki el Túrkııa men Qazaqstan karantın jaǵdaıynda da bir-birine qolushyn sozyp, kópjaqty qarym-qatynastaryn bosańsytpady. COVID-19 indetine baılanysty jarııalanǵan karantın Iýnýs Emre túrik mádenıet ortalyǵynyń da jumys jaǵdaıyn ózgertti. Osy sebepti ortalyq mádenı sharalaryn "jańa jaǵdaıdyń" formaty onlaın rejımde ótkizýde. Ortalyq Qazaqstannyń qoǵamdyq ómirindegi ataýly oqıǵalar men merekelerge únemi belsene atsalysyp keledi. 16 jeltoqsan Qazaqstannyń táýelsizdik merekesine oraı jastary 16-dan jastan asqan elordada turatyn Qazaqstan azamattary qatysa alatyn mánerlep óleń oqý saıysyn ótkizýdi josparlap otyr. Saıystyń maqsaty indet jaǵdaıynda azamattardyń belsendilikterin arttyrý, kórkemsóz oqý sheberligine baýlý, ádebı shyǵarmalardyń tanytylýyna úles qosý jáne adamdarǵa ádemi kóńil kúı syılaý bolyp tabylady.
Qatysýshylar óleńderdi 1 mınýttan aspaıtyndaı vıdeo formatynda túrik mádenıet ortalyǵynyń elektrondyq poshtasyna (astana@yee.org.tr) 6 jeltoqsanǵa deıin joldaýlary tıis.
Qazylar alqasy tarapynan iriktelip alǵashqy ondyqqa engen óleńder ortalyqtyń feısbýk paraqshasynda (Nur-Sultan Yunus Emre Enstitüsü @yeenursultan) 7-13 jeltoqsan aralyǵynda bólisiledi. Eń kóp daýys alǵan úsh óleń júldege ıe bolady. Baıqaýdyń qorytyndasy 14 jeltoqsanda jarııalanady.
Mánerlep óleń oqý baıqaýyna qatysyp alǵashqy úshtikke engender arnaıy júldege ıe bolady. Bas júldege ıe bolǵandar 1 deńgeı (144 saǵat) aqysyz, 2 oryn %50 jeńildikpen, al 3 orynǵa ıe bolǵandar %30 jeńildikpen 1 deńgeı túrikshe kýrsqa qatysyp, sertıfıkat ala alady.
