Aımaqtar • 03 Jeltoqsan, 2020

G.Ábdiqalyqova: Shalǵaı eldi-mekenderdi ınternet baılanysymen qamtýdy jedeldetý qajet

197 ret

kórsetildi

2 mın

oqý úshin

Búgin oblys ákimi Gúlshara Ábdiqalyqova «Qazaqtelekom» AQ Ońtústik óńirlik telekommýnıkasııa dıreksııasynyń bas dırektory Úsenhan Áýbákirovpen kezdesti. Kezdesýde óńir basshysy Prezıdent Qasym-Jomart Toqaevtyń bıylǵy Joldaýyndaǵy sıfrlyq teńsizdikti joıý, ınternetke barynsha qoljetimdikti jáne sapaly baılanysty qamtamasyz etý jónindegi tapsyrmasyna sáıkes aımaqta atqarylyp jatqan jumystardy atap ótti, dep habarlaıdy Egemen.kz.

Murat JETPISBAEV

G.Ábdiqalyqova: Shalǵaı eldi-mekenderdi ınternet baılanysymen qamtýdy jedeldetý qajet

- Qazir oblystaǵy 230 aýyldyq eldi mekenniń 170-i keń jolaqty ınternetpen qamtamasyz etilgen. Memlekettik-jekeshelik áriptestik aıasynda óńirde 73 eldi mekenniń memlekettik organdary talshyqty-optıkalyq baılanys jelisimen qamtamasyz etilip, onyń 14-ne «Qazaqtelekom» aksıonerlik qoǵamy talshyqty-optıkalyq baılanys jelisin júrgizdi. Búginde joǵary jyldamdyqty ınternet jelisimen qamtamasyz etý máselesi boıynsha sheshimin tappaǵan 39 eldi mekendi jáne shalǵaı ornalasqan 14 eldi mekendi joǵary jyldamdyqty ınternetpen qamtamasyz etý múmkindigin qarastyrýyńyzdy usynamyz – dedi oblys ákimi.

О́tken jyldyń naýryz aıynda Qyzylorda oblysynyń sıfrlyq tehnologııalar basqarmasy men "Qazaqtelekom" AQ Ońtústik óńirlik telekommýnıkasııalar dıreksııasy arasynda "Qyzylorda oblysynyń memlekettik organdaryna talshyqty-optıkalyq baılanys jelisin júrgizý" týraly memlekettik-jekeshelik áriptestik sharty jasalǵan. Búginde sharta kórsetilgen qurylys jumystary tolyǵymen aıaqtalyp, 69,7 shaqyrym talshyqty-optıkalyq jeli júrgizilip, aımaqtaǵy memlekettik organdardyń 77 obektisi ınternet jelisine qosyldy.

Oblys boıynsha bilim berý jáne densaýlyq saqtaý nysandary ınternetke tolyq qosylǵan. Qazirgi ýaqytta bıýdjettik uıymdardy emes, halyqty (mektep jasyndaǵy balalar, stýdentter jáne t.b.) sapaly ınternetpen qamtamasyz etý máselesi ótkir tur. Sondaı-aq, bilim berý salasynda "Qaýipsiz mektep" jobasy boıynsha orta bilim berý mekemelerin beınebaqylaý júıesimen qamtamasyz etý jobasy kezeń-kezeńimen iske asyrylýda. Aǵymdaǵy jyly oblystyq bıýdjetten 70 mektepke beınebaqylaý kameralaryn ornatýǵa 250 mln teńge bólindi. Osyǵan oraı memlekettik satyp alýdyń ashyq konkýrstary ótkizilip, kameralardy ornatý jumystary júrgizilýde.

«Qazaqtelekom» AQ Ońtústik óńirlik telekommýnıkasııa dıreksııasynyń bas dırektory Úsenhan Áýbákirov Smart City jobasy aıasynda atqarylatyn jumystardy baıandady. Zamanýı LoRaWAN tehnologııasyn qoldaný, ınteraktıvti esepteý aspaptaryn ornatý, aqyldy jaryqtandyrý, aqyldy turaqtar syndy kommersııalyq usynystar zerdelenip jatqandyǵyn jetkizdi.