Buryn habarlanǵandaı, aǵymdaǵy jyldyń qazan aıynda Aýyl sharýashylyǵy mınıstri Túrkııanyń iri agroónerkásiptik kásiporyndarynyń basshylarymen birqatar kezdesýler ótkizip, Qazaqstannyń aýyl sharýashylyǵynyń damýy jáne AО́K-niń óndiristik áleýeti týraly baıandap, sondaı-aq eldiń agrosektoryna belsendi ınvestısııa salýǵa shaqyrǵan edi. Saparhan Omarov otandyq fermerlermen yntymaqtastyqty ornatýǵa kepildik bergen bolatyn.
QR AShM basshysynyń usynysyn birqatar kompanııalar (tolyǵyraq osynda jáne osy jerde), sonyń ishinde Ystambul ónerkásip palatasynyń úzdik 500 kásipornynyń ishindegi ekinshi orynda turǵan jáne AQSh-qa organıkalyq ónimdi ósirýge, qaıta óńdeýge jáne eksporttaýǵa mamandanǵan Dervisoglu Group kompanııasy qabyl aldy.
Jyldyq aınalymy 285 mıllıon AQSh dollaryn quraıtyn Dervisoglu Group kompanııasy Qazaqstanmen organıkalyq eginshilik salasyndaǵy yntymaqtastyqty nyǵaıtý, sonyń ishinde maıly jáne dándi daqyldardy óńdeý jáne býyp-túıý óndirisin qurýǵa qyzyǵýshylyq tanytty. О́tken kezdesý barysynda taraptar jaqyn arada Qazaqstanǵa saparmen kelýge kelisken bolatyn.
Búgin mınıstr Saparhan Omarov Nur-Sultan qalasynda Dervisoglu Group delegasııasyn qabyldady. Aýyl sharýashylyǵy mınıstrligindegi kezdesýden keıin kompanııanyń aksıoneri Saıt Dervıshoglý men tehnıkalyq dırektor Mehmet Býchak organıkalyq aýyl sharýashylyǵy ónimderin ósirýmen aınalysatyn qazaqstandyq fermerlermen kelissózder júrgizedi. Sondaı-aq, túrik kompanııasy AQSh naryǵyna qazaqstandyq ónimdi eksporttaý úshin amerıkandyq NOR sertıfıkatyn alý múmkindigin talqylaýǵa nıetti.
