Mańǵystaý oblysyndaǵy Aqtaý portyn sheteldik kompanııalardyń biri basqarýy múmkin. Bul týraly Kazakhstan Today habarlady.
«Aqtaý teńiz portyna Ispanııanyń bir kompanııasy qyzyǵýshylyq tanytyp otyr. Qazir onyń delegasııasy Qazaqstanǵa kelip, barlyq jaǵdaılardy zerttep júr. Budan basqa, Aqtaý teńiz portyn alýǵa túrik kompanııalary da qyzyǵýshylyq bildirgen bolatyn», - dedi «Kaznexinvest» AQ basqarma tóraǵasynyń orynbasary Qaırat Qarmanov Astanada ótken baspasóz máslıhatynda.
Onyń aıtýynsha, sheteldik kompanııalar basqaryp ǵana qoımaıdy, port jumysynyń jaqsarýyna qarjy bóledi. Sondaı-aq, Qorǵas portyna arab kompanııalary qyzyǵýshylyq tanytqan kórinedi. «Sheteldik ınvestorlardyń kelýimen bul jerlerde menedjmenttiń tıisti deńgeıde bolatyn yqtımaldyǵy óte joǵary, sebebi, qazaqstandyq kompanııalar ony jasaýdy meńgere qoıǵan joq, buǵan áli biraz ýaqyt kerek», - dedi Q.Qarmanov.
Baqytbek Keneshuly.
Derekkóz: «Kazakhstan Today»
