AQSh prezıdenti Barak Obama densaýlyq saqtaý reformasynyń talaptaryn oryndap, ınternet arqyly medısınalyq saqtandyrý satyp almaqshy. Bul týraly RIA «Novostı» habarlady.
2011 jyldan beri júrgizilip kele jatqan densaýlyq saqtaý reformasy AQSh azamattarynyń kóp bóligin 2014 jylǵy 1 qańtarǵa deıin saqtandyrý polısin satyp alýǵa mindetteıdi. AQSh úkimeti saqtandyrý kompanııalary arasynda básekelestikti kúsheıtip, tutynýshylar úshin baǵany tómendetý maqsatynda Healthcare.gov medısınalyq saqtandyrý saıt-bırjasyn iske qosty.
Alaıda, saıt oıdaǵydaı jumys istep kete almady. Alǵashqy bir jarym aı ishinde 27 myń adam ǵana saıt arqyly medısınalyq saqtandyrý satyp alǵan. Saıt máselesi AQSh-tyń ishki saıası kúntártibindegi basy taqyryptardyń biri boldy. AQSh prezıdenti bul máseleni sheshýge jeke ózi kirisetinin alǵa tartqan edi.
«Politico» gazeti jazǵandaı, AQSh prezıdentiniń tabysy joǵary bolǵandyqtan, oǵan medısınalyq saqtandyrý qymbatqa túspek.
Aıdar О́risbaev.
Derekkóz: ria.ru
