1 jeltoqsan kúni Horvatııada bir jynysty kisilerdiń nekege turý máselesin talqylaǵan referendým bolyp ótti. Al onyń qorytyndysy keshe, dúısenbi kúni jarııa etildi. Bul týraly ITAR-TASS habarlady.
Referendým «Otbasy atynan» atty qozǵalystyń bastamasy boıynsha ótkizilgen eken.Ol úshin 750 myń qol jınalǵan. Sondaı-aq, birneshe aı boıy Balqan túbeginde osy memleketke qatysty qyzý qoǵamdyq pikir almasýlar boldy. Naqty aıtqanda, bir jynystylardyń otbasy qurýlaryn qoldaǵan naýqan «Qarsy jaqqa daýys ber» dep ataldy.
Jalpy,referendýmnyń aldynda Zagrebte saýaldama júrgizildi. Onda jurttyń 59 paıyzy dástúrli nekeni qalaıtyny, 31 paıyzy bir jynystylar odaǵyn jaqtaıtyny málim boldy. Soǵan qaramastan,referendýmdaǵy daýys ara salmaǵynda alshaqtyq oryn aldy. Daýys berýge kelgenderdiń 63 paıyzy bir jynystylardyń otbasy qurǵandaryn jaqtaǵan, 31 paıyzdyq daýys qarsylyq bildirgen. Bul rette referenýmǵa 3,8 mln. daýys berýshiniń 30 paıyzy ǵana kelipti.
Baqytbek Keneshuly.
Derekkóz: «ITAR-TASS»
