Reseılik boksshy Ilıa Balandınmen (4-3-1, 2 KO) judyryqtasqan otandasymyz birinshi raýndtan bastap rıngtiń ortasynda bılik júrgizip, qarsylasyn soqqynyń astyna aldy. Jerlesimizdiń úshinshi raýndtaǵy serııalyq soqqylarynan keıin jekpe-jek merziminen buryn aıaqtalýy da múmkin edi. Alaıda soqqy kótere alatynyn baıqatqan Balandın Nursultanovtyń soqqylarynan ońaı sytylyp shyqty. Sóıtip eki boksshy da belgilengen segiz raýndta tolyq judyryqtasyp, tóreshilerdiń biraýyz sheshimimen Meıirim Nursultanov jeńiske jetti. Bul – Meıirimniń kásipqoı bokstaǵy 14-shi jeńisi.
Aıta keteıik, jerlesimiz eń keıingi jekpe-jegin 2019 jyldyń 2 qarashasynda Las-Vegasta (AQSh, Nevada shtaty) ótkizip, meksıkalyq Krıstıan Olıvastan basym túsken edi.
