1) RM-2,5 ólshengen bólshekter boıynsha: 5,2 ShRSh-ǵa deıin asyp ketýdiń 246 jaǵdaıy;
2) RM-10 ólshengen bólshekter boıynsha: 2,2 ShRSh-ǵa deıin asyp ketýdiń 161 jaǵdaıy;
3) Kómirtegi oksıdi: 1,8 ShRSh-ǵa deıin asyp ketýdiń 55 jaǵdaıy;
4) Kúkirtsýtegi: 2,5 ShRSh-ǵa deıin asyp ketýdiń 55 jaǵdaıy;
5) Kúkirt dıoksıdi: 1,1 ShRSh-ǵa deıin asyp ketýdiń 3 jaǵdaıy;
6) Azot oksıdi: 1,2 ShRSh deńgeıinde asyp ketýdiń 1 jaǵdaıy.
Atmosferalyq aýanyń lastanýy barlyq baqylaý beketteri boıynsha baıqaldy. Eń joǵary lastaný Kóktal-1 aýdandarynda, Turan dańǵyly men Túrkistan kóshesinde tirkeldi.
Sınoptıkalyq jaǵdaılar boıynsha 2020 jylǵy 7 jeltoqsanda elordanyń aýa raıyna antısıklon áser etedi. Aýa raıy negizinen jaýyn-shashynsyz, 24-28ºS-qa deıin birqalypty aıaz bolyp, tuman baıqalady. Mundaı aýa raıy jaǵdaılary joǵary qysym aımaǵyna tán – jel turmaıdy, aýa salqyn bolady, azdaǵan bult torlaıdy. Atmosferanyń joǵarǵy qabattarynda aýa massalarynyń aralaspaýy tumannyń paıda bolýyna áser etedi.
2020 jylǵy 6 jeltoqsan kúni 13 saǵat 55 mınýtta 7 jeltoqsanda Nur-Sultanda keı ýaqyttarda tuman kútiletini týraly daýyldy eskertý shyǵarǵan bolatyn.
Mundaı meteorologııalyq jaǵdaılar (aıaz – 25 gradýs jáne jelsiz aýa raıy) qalanyń jeke sektoryn jylytýdan shyǵatyn lastaýshy zattardyń aýada jınalýyna yqpal etti. Nátıjesinde qalyń ýly tútin paıda boldy.
