Osyǵan oraı, BUU janyndaǵy Azyq-túlik jáne aýyl sharýashylyq uıymynyń Qazaqstandaǵy ókildiginiń basshysy “Ortalyq Azııa men Túrkııanyń qurǵaqshylyqqa beıim jáne sortańdalǵan aýylsharýashylyq óndirisiniń landshafttarynda tabıǵı resýrstardy keshendi basqarý” jobasy aıasynda COVID-19-ten eń kóp zardap shekken sharýa qojalyqtaryna tegin jońyshqa tuqymy túrinde bir rettik kórsetý týraly sheshim qabyldady.
FAO-GEF aımaqtyq jobasynyń ulttyq komandasy Kásipkerler palatasy, Qyzylorda oblysy ákimdigi jáne oblystyq aýyl sharýashylyǵy basqarmasy mamandarymen birlesip, jergilikti jerdegi jaǵdaıdy zerttep, óńirdegi eń kóp zardap shekken fermerler men úı sharýashylyqtarynyń tizimin jasady. Oǵan Syrdarııa, Shıeli, Jalaǵash jáne Qazaly aýdandary, sondaı-aq Qyzylorda qalalyq ákimshiligine qarasty aýyldyq okrýgterdegi on tórt sharýa qojalyǵy kirip otyr.
Jalpy quny 4,2 mln teńgeni quraıtyn qurǵaqshylyqqa tózimdi jońyshqa tuqymdary BUU azyq-túlik jáne aýyl sharýashylyq uıymynyń aımaqtyq jobasynyń ashyq satyp alý rásimderine sáıkes jarııalanǵan ashyq tender arqyly satyp alyndy.
Osyǵan oraı ótken is-sharada aımaqtyq jobalar úılestirýshisi Mahmýd Shaýmarov sapasy joǵary, qurǵaqshylyqqa tózimdi jońyshqa tuqymy sharýa qojalyqtary úshin úlken qoldaý ekendigin atap ótti.
– Karantın jaǵdaıynda kásipkerler, onyń ishinde agrarlyq sektordaǵylar qıyn jaǵdaıǵa tap boldy jáne biz ISSAÝZR-2 jobasyna qıyn jaǵdaıda ýaqytyly kómek kórsetkeni úshin óte rızamyz, - deıdi Qyzylorda oblysy kásipkerler palatasynyń bólim bastyǵy Jasulan Serikov.
