Partııanyń oblystyq fılıaly baspasóz qyzmetiniń habarlaýynsha, aryz-shaǵymdardyń 16,3 myńy, ıaǵnı 62 paıyzy ońtaıly sheshilgen. Al 10 myń ótinishke zań aıasynda keńester berilip, búginde onyń 111-i qaralý ústinde. Aryz-shaǵymdy taldaý nátıjesinde ótinishterdiń 61 paıyzy qarjylyq kómek jáne "BIRGEMIZ" qory arqyly aqsha men azyq-túlik sebetterine baılanysty kelip túskeni anyqtalǵan. Onyń ishinde 12 paıyzy praımerızge qatysty saýaldar, 9 paıyzy áleýmettik kómekke muqtajdyq, 2 paıyzy turǵyn úı-kommýnaldyq jáne 2 paıyzy jumysqa ornalasý, zańsyz jumystan shyǵarý, eńbek aqy óndirý máselesine qatysty joldanǵan. Al 14 paıyzy – densaýlyq saqtaý, bilim berý, halyqty tirkeý jáne qujattandyrý, kásipkerlikti qoldaýǵa qatysty shaǵymdar.
Aryz-ótinishterdiń basym bóligi, ıaǵnı 6800-i oblystyq partııa fılıalynyń qoǵamdyq qabyldaý bólmesine túsken. Al 2100-i Saryaǵash aýdandyq, 2 myńy Jetisaı aýdandyq, 1900-i Túlkibas aýdandyq fılıaldaryna joldanǵan. О́tinish bildirgenderdiń basym bóligi nemese 9,4 myńy (35,5%) kópbalaly jáne tolyq emes otbasylar bolsa, 1,8 myńy (7%) – jumyssyzdar, 6 myńy (6%) erekshe qajettilikteri bar adamdar, 459-y (2%) zeınetkerler. Pandemııaǵa baılanysty qoǵamdyq qabyldaý bólmeleriniń jumysy onlaın-rejımge aýystyrylǵan bolatyn. Bıyl 13 naýryzdan beri 23,6 myń azamat ótinish bildirse, onyń ishinde áleýmettik jeliler (Facebook jáne Instagram) arqyly 4,2 myń, whatsapp messendjeri arqyly 5,4 myń ótinish kelgen. Al Túrkistan oblystyq, aýmaqtyq partııa fılıaldaryna jedel jeli telefondaryna 14 myńnan astam qońyraý shalynǵan.
Sońǵy 5 jylda oblysta partııa fılıalynyń uıymdastyrýymen 22,1 myń qoǵamdyq qabyldaý ótkizilip, 43400 azamattyń aryz-shaǵymy qaralǵan. Qoǵamdyq qabyldaýlardyń 262-sin Parlament Májilisiniń, 5900-in maslıhat depýtattary, 15900-in jergilikti atqarýshy organ basshylary ótkizgen.
Aıta keteıik, búginde oblys kóleminde 17 qoǵamdyq qabyldaý bólmesi qyzmet etedi.
